影片
更多
2014-05-25
427 浏览
饮食界晌香港真喺变化得好快，就连旺角区都高档起嚟，就以短短嘅黑布街、白布街为例，就有唔少具质素嘅食店陆续晌度插旗 ，最新一员就喺由佐敦发迹，继而搬过嚟嘅「下一站...甜品」。多谢店主邀请，令小弟试咗多款甜品。其实黑布街本身已有唔少甜品店，以前嘅「下一站...甜品」所卖嘅都有中有西，较少少港式，但又颇新派，翻睇旧店食评就能略知一二。但新铺转型，就摆明主打酒店级甜品，唔喺一般港式乜捞物捞、乜珠物珠之类，反正几位合伙人都喺出身自万丽海景酒店嘅甜品师，年资皆不浅，有嘅喺实力，制作自不然大胆啲、天马行空多啲都得，无拘束 。如果你正正食紧个酒店级嘅甜品，但时空交错喺坐紧晌松记、绿林，有咩感觉呢？心里可能有个「错晒」嘅感觉，所以，店家亦嚟个型格大翻新，全店实木枱椅，部份配置高脚枱椅，开放式厨房，一侧书柜玩味十足，几把怀旧吊扇，厨房后亦有多组枱椅，走嘅喺甜品吧嘅路线，就算晌旺角区，都有种身处苏豪嘅感觉 。既然目标清晰，啲甜品要做到酒店水准，自不然要落足心机。从餐牌所见，一共设计咗21款甜品，多样化嘅组合，配搭见心思，卖相亦花功夫，部份甜品仲加入少少份子料理元素，精彩而有惊喜 ；另外仲有一啲咖啡
其实黑布街本身已有唔少甜品店，以前嘅「下一站...甜品」所卖嘅都有中有西，较少少港式，但又颇新派，翻睇旧店食评就能略知一二。但新铺转型，就摆明主打酒店级甜品，唔喺一般港式乜捞物捞、乜珠物珠之类，反正几位合伙人都喺出身自万丽海景酒店嘅甜品师，年资皆不浅，有嘅喺实力，制作自不然大胆啲、天马行空多啲都得，无拘束 。
如果你正正食紧个酒店级嘅甜品，但时空交错喺坐紧晌松记、绿林，有咩感觉呢？心里可能有个「错晒」嘅感觉，所以，店家亦嚟个型格大翻新，全店实木枱椅，部份配置高脚枱椅，开放式厨房，一侧书柜玩味十足，几把怀旧吊扇，厨房后亦有多组枱椅，走嘅喺甜品吧嘅路线，就算晌旺角区，都有种身处苏豪嘅感觉 。
既然目标清晰，啲甜品要做到酒店水准，自不然要落足心机。从餐牌所见，一共设计咗21款甜品，多样化嘅组合，配搭见心思，卖相亦花功夫，部份甜品仲加入少少份子料理元素，精彩而有惊喜 ；另外仲有一啲咖啡、花茶果茶、无酒精鸡尾酒以供选择。就算一班朋友嚟到，唔喺个个都钟意食甜品，都可以饮吓嘢 。
云呢拿泡沫配榴梿雪葩 $56 就算对榴梿未到钟爱程度，亦对佢有多少偏好，所以，一见有榴梿雪葩，自自然然就好想一试。「泡沫」系列一共有4款，两款暖泡（暖朱古力泡沫、暖拖肥泡沫）及两款冻泡（云呢拿泡沫配榴梿雪葩、绿茶泡沫）。云呢拿泡沫喺以芒果肉、榴梿雪葩、云呢拿泡沫及金柚所组合而成，芒果肉清甜大件，供货问题，榴梿雪葩改为榴梿雪糕，但依样香浓馥郁 ，云呢嗱泡沫入口如慕丝般轻柔，而金柚虽未喺当造，食落有少少涩，但饱满爆汁。整个甜品配搭几新鲜有趣，当然，最爱喺𠮶一球榴梿雪糕啦 。
粟子拿破仑 $55 拿破仑都已经成为唔少甜品店嘅必然出品，因为拿破仑仍然喺大众喜爱嘅甜品之一，原因都喺因为其松脆酥皮，故此，各店嘅酥皮就成为成败分野。不过，晌「下一站」嘅酥皮跟出面常见嘅有啲唔同，主要个个焗制，一眼就睇得出佢层酥皮喺个别焗制，所以边位喺圆滑啲，而出面通常喺一大块做，焗完再裁细合适呎码做拿破仑。试完「下一站」嘅酥皮，我觉得松脆度无乜太明显分别，但就油份少啲，最主要喺卖相细致咗 。而中层及面层，唧满粟子蓉，非香幼滑粉香，浓浓粟子香。此外，装饰真喺不可不提，先讲拿破仑面嘅红色脆糖，薄透轻巧，薄脆少甜； 3粒「马令」（Meringue）蛋白脆饼，既有杏仁香，又有烟韧口感。而碟边仲有少少脆饼碎，反而最有惊喜喺头尾两侧红莓干，初时以为喺啲红色糖粉，沾一沾先知喺酸香突出嘅红莓干 ，佩服几位饼师对依啲细节位都一丝不苟 。
黑胡椒心太软配云呢拿雪糕 $55 心太软已经成为好多女性嘅心爱甜品，尤其流心一刻，份外兴奋。早前去大马一游，参观当地朱古力博物馆，试过一款辣椒朱古加，感觉新奇有趣，所以晌度见到「黑胡椒心太软」，有种莫名冲动想试。卖相相对上两款平实，唔算太花巧，只喺一抹红莓浆、少少脆饼碎、朱古力脆豆做装饰，加多一个云呢拿雪糕球。一切开，朱古力浆涌流而出，份量啱啱好 ，想太多浆不如去Vero Chocolates饮杯浓厚嘅招牌黑朱古力吧！蛋糕唔会太薄太厚，外层带少少焦脆，虽然个心太软送到嚟热呼呼，但会喺「闻」唔到丁点黑胡椒味，不过，一入口先喺浓郁朱古力味，继而散发一朕眹辣劲，喺一种有层次嘅感受 。以前曾经晌工联会学过整心太软，都喺沟成一种朱古力浆落模焗，靠时间控制，做成外层熟成为蛋糕，内层半熟为浆，故此，内外味道一致。但事后再跟店主交流，先知佢哋分两层用料，外层蛋糕浆以55%朱古力做，内层朱古浆则以70%做 ，所以，功夫要多一步，先做好内层嘅「胆浆」雪硬，再放入蛋糕浆中去焗，下次再食真喺要细心留意一下。
Test Tube $65 晌餐牌中见到依款由Mojito（白冧酒啫喱，青柠慕丝，薄荷啫喱）、伯爵茶奶冻配特浓咖啡泡沫、青瓜山葵沙冰（图：左至右）组成嘅新颖「试管」甜品，出于好奇几想试，可惜部份「试管」缺少原材料制作，未有缘一试。不过，店主话唔介意都可以试试青瓜山葵沙冰，俾俾意见，所以，都有幸试到1/3支试管。青瓜山葵沙冰，入口冰凉，口味清新，青瓜跟山葵都几夹，清爽中带点点辣，非常有趣嘅体会 ，个人感觉沙冰再刨得幼细少少，口感更顺溜。温馨提示，沙冰要尽快食，否则溶到底嘅会变成青瓜山葵汁，辣度攻鼻感倍升。
Mango Smoothie $38 甜品做得有质素，故临尾又想试试佢啲饮品又做成点！初夏下午，外间非常闷热，热饮免问，就点咗一杯Mango Smoothie，成份只有鲜芒果肉、牛奶、原味乳酪打成，入口爽快透心、质感柔滑，芒果味自然清甜，唔止解渴，令人立时降温 。题外话，最初Smoothie登陆香港，见有人译为「沙冰」，其实唔喺太啱，因为佢又唔喺果汁冰；后尾见有译为「思慕雪」，小弟就觉得音译、意译俱佳；最近，又发现有译为「思慕昔」，去走个雪字，同沙冰完全划清界线，而且，加入牛奶令质感真喺几似奶昔，但又加上乳酪，更健康之余，亦无奶昔咁甜，真喺一个唔错嘅译名 。
部份甜品都会配上指定雪糕，但为顾及唔同人嘅口味，其实雪糕口味可自由配搭，包括：云呢拿、朱古力布朗尼、野莓乳酪、曲奇、绿茶、芒果乳酪、青柠雪葩。而额外加$10可加多一球雪糕（只限以上7款口味），非常超值 ；若肯俾多少少，加$8雪糕可转榴梿雪葩，加$15更可多加一球榴梿雪葩 。货源供应，最好到时向店员查询。
虽然个价睇起嚟好似唔平，但计及环境，用料质素，制作心思，繁复工序，绝对喺抵食 。再者，所试到嘅几款甜品，都跟图片中预期大份，尤其支试管，初时以为佢好细支，哈哈！嚟到「下一站...甜品」，实在样样都想试，所以，小心你嘅荷包呀 ！讲开荷包，最近新学咗一个广东话谒后语：「老公荷包」，答案在下。再次多谢店主，让小弟跟同为爱好整甜品嘅友人有个甜蜜、惊喜嘅下午 。
题外话/补充资料：
肤浅（夫钱）
(以上食记乃用户个人意见 , 并不代表OpenRice之观点。)
张贴
