影片
更多
2019-09-28
202 浏览
总结：订左台都可以无位食，咁嘅安排同服务态度，心水清嘅谂清楚好唔好去食5日前已经book左台庆祝朋友生日，2日前收到餐厅confirm booking，3个钟头前仲打去改早半个钟，confirm 再 double confirm，然后当你收工后满心欢喜一行5人由港九新界到餐厅，先至同你讲：唔好意思，我地头先入错左台客，而家无位！餐厅座位唔多，数埋都唔够20台客，咁都可以入错台，仲要开头话：头先有台客都系姓陈，我以为系你地......呢个藉口用嚟呃细路女可能有用，但今晚明显系over booking，边台黎先边台有位嘅玩法（澄清我地无迟到），想安安乐乐食餐饭嘅朋友，要有心理准备订左位都会无位食！经理Chris有歉意（少少）但系冇诚意，餐厅安排失误唔系一早话俾客人知，要我地5人白白企喺侧边等，喺我地连番追问下，先至话订左台都无位，笑笑口讲对唔住，唔讲点样解决、点样补偿。「教育」完佢之后话：你地等1个钟就有位架啦，到时俾半价你地！表面睇落系咪好吸引，但唔好忘记，星期五1930呢个时间好多人都啱啱坐底叫野食，一班人可以1个钟交台吗？你地同朋友打边炉可以净系打一个钟咩？到头来都系乱咁讲黎呃/安抚
5日前已经book左台庆祝朋友生日，2日前收到餐厅confirm booking，3个钟头前仲打去改早半个钟，confirm 再 double confirm，然后当你收工后满心欢喜一行5人由港九新界到餐厅，先至同你讲：唔好意思，我地头先入错左台客，而家无位！
餐厅座位唔多，数埋都唔够20台客，咁都可以入错台，仲要开头话：头先有台客都系姓陈，我以为系你地......呢个藉口用嚟呃细路女可能有用，但今晚明显系over booking，边台黎先边台有位嘅玩法（澄清我地无迟到），想安安乐乐食餐饭嘅朋友，要有心理准备订左位都会无位食！
经理Chris有歉意（少少）但系冇诚意，餐厅安排失误唔系一早话俾客人知，要我地5人白白企喺侧边等，喺我地连番追问下，先至话订左台都无位，笑笑口讲对唔住，唔讲点样解决、点样补偿。「教育」完佢之后话：你地等1个钟就有位架啦，到时俾半价你地！表面睇落系咪好吸引，但唔好忘记，星期五1930呢个时间好多人都啱啱坐底叫野食，一班人可以1个钟交台吗？你地同朋友打边炉可以净系打一个钟咩？到头来都系乱咁讲黎呃/安抚我地。结果我地即刻揾其他餐厅，好多间都无位，星期五夜晚你估咁易揾到位吗？！
因为无食野，只可以就环境评分。
如果一班人倾计可以考虑其他坐得舒服D嘅餐厅，佢哋场地唔大，D台密密麻麻，逼过食放题！真系转个身就可以夹隔离台D火锅野食.....
如果几个朋友仔gathering，我谂你地倾唔到计，个餐厅好嘈，D声又困住......
如果情侣拍拖，请你评估女朋友接唔接受到订左位之后无位坐，再请你评估下你接唔接受到你女朋友因为咁全程黑面
最后，如果食家嘅话，唔该睇埋其他劣评嘅COMMENT，尖沙嘴相同价位好食嘅餐厅大把，何必将自己局限喺一棵树度呢？
打咁多字因为我到而家都未嬲完！
张贴