Neko 熊穴

营业中

休息中

唔好成日话香港人好钟意投诉，而家咁多人返大6饮食因为物价同服务都双输，但系依然有班唔会返大陆嘅香港人系要食嘢嘅，有人黎食都唔做好自身或者谂啲计仔，口卑只会越来越差。我以前食过呢间餐厅，食物都几好，但今次真系令我好失望。大约11:00，餐厅只有一张枱有客，我仲未坐低，竟然有对情侣打我尖。我当时带住两岁嘅小朋友，站喺餐厅门口（即系已经企系餐厅入面），打尖..根本可以问下我先。然后，店员过嚟见到我，问几位，我话系两位（我同我小朋友），跟住佢竟然问我小朋友系唔系食固体食物，我答系，佢就唔客气咁话：「咁你哋要叫人头餐，一人一份。」佢个语气好唔客气，真系令我好失望。最后，我真系忍唔住，攞低菜单，转头走咗。我想讲，唔管呢间餐厅食物几好食，如果服务态度咁差，真系唔值得再光顾。对顾客咁冷漠又无礼，真系唔知佢哋仲做唔做餐饮业。真系，如果佢哋想继续做生意，不如换行业做啲粗暴嘅咖哩牛腩面，佢呢啲服务态度就好啱洗。最后，我即刻转去隔离间cafe食（系小朋友/宠物友善嘅），有位，店员又友善，仲同我小朋友玩，𠮶个反差真系好大！