影片
更多
2013-06-25
1578 浏览
小弟上次尝到「嵯峨野」o既美食时都差不多系两年前o既事，当时系喺日航酒店其中一间宴会厅度参加生日酒，脑海仍然清楚记得初次欣赏餐厅以国际食材制出各款特色料理，正当味蕾环游世界o既同时，小肥仲学晓不少日文，所以印象尤其深刻 ！今次姨丈拣选喺「嵯峨野」请客，小肥真系十分期待！一如所有日本料理，「嵯峨野」门面，室内装修及服务生o既衣著都好有日本风味。为方便倾偈同增添私人空间，当晚姨丈安排左一间大房，光猛洁亮舒适，最重要系唔需要坐tatami（tatami乃肥肥家族之大忌也 ）。当晚饭局人数众多，散叫食物会比较复杂，所以姨丈一早同经理商量好特定餐单，为求每位客人都可以品尝到「嵯峨野」多款菜式。经理当晚更亲自落场打点，细心地打听各人对食物o既不同喜好，如素食者，不吃牛者，对蜜瓜敏感等等，继而作出最后之餐单调整 。第一次正式踏入餐厅入面，受到如此友善热诚o既欢迎及礼待，顿觉自己成为一位贵宾，真系超级感动 ！为晚餐揭起序幕o既系餐前酒：CHEERS ！食前酒（餐前酒）之桃酒：冻饮桃酒，酒味唔浓，清新香甜易入口，所以专登影左个樽，希望可以喺其中一间日本超市度买返屋企饮 。 先付（头盘）之八
一如所有日本料理，「嵯峨野」门面，室内装修及服务生o既衣著都好有日本风味。为方便倾偈同增添私人空间，当晚姨丈安排左一间大房，光猛洁亮舒适，最重要系唔需要坐tatami（tatami乃肥肥家族之大忌也 ）。
当晚饭局人数众多，散叫食物会比较复杂，所以姨丈一早同经理商量好特定餐单，为求每位客人都可以品尝到「嵯峨野」多款菜式。经理当晚更亲自落场打点，细心地打听各人对食物o既不同喜好，如素食者，不吃牛者，对蜜瓜敏感等等，继而作出最后之餐单调整 。第一次正式踏入餐厅入面，受到如此友善热诚o既欢迎及礼待，顿觉自己成为一位贵宾，真系超级感动 ！
为晚餐揭起序幕o既系餐前酒：CHEERS ！食前酒（餐前酒）之桃酒：冻饮桃酒，酒味唔浓，清新香甜易入口，所以专登影左个樽，希望可以喺其中一间日本超市度买返屋企饮 。
先付（头盘）之八爪鱼荞头田舍煮 + 鲷鱼寿司：八爪鱼荞头田舍煮好潮地以杯上，两者都同样清脆爽口。
用块大叶包住o既鲷鱼寿司就有阵优香o既柚子同柠檬味，食落非常清新醒胃 ！
お造り（刺身）之拖罗，白虾，鲹鱼：白虾爽甜软滑，鲹鱼鱼油足，拖罗更系「只溶喺口」，「嵯峨野」o既鱼生外表吸引，而且新鲜美味可口，简直系无得弹 ！
温物（热盘）之煮茄子：小肥好怕食茄子，因为成日都觉得咬落成口油。眼见碗中o既茄子以汁煮，而且面层又冇油，所以就比左个机会道𩠌。意外地，茄子腍中带爽，食落又冇渣，味道浓得黎又唔会浊，感觉好健康！
烧肴（烧盘）之和牛照烧：和牛香软松化肉汁够，肥瘦均匀，同带甜o既酱汁好夹，溶喺口o既同时亦造到齿颊留香 ，能够品尝到此道美食，肥肥家族真系好有口福！
合肴（酢物）之醋煮贝类 + 杂菜：食完油份较多o既和牛，最啱就系食番啲酸物化解一下，此时安排依道醋煮带子杂菜真系非常恰当！带子幼嫩，杂菜爽脆，酸酸甜甜，胃口顿时大增 ！
食事（主菜）之天妇罗稻庭乌冬：日本料理同中菜一样，上甜品前都会有道单尾。当晚o既稻庭乌冬幼嫩滑溜弹牙，配上香脆爽口o既虾天妇罗，超正！
水物（甜品）之温室蜜瓜：日本生果出名靓，此款温室蜜瓜亦不例外，清甜爽滑集于一身，果然系有信心o既保证，为晚宴划上完美o既句号！
「嵯峨野」地方舒适，服务生诚恳细心体贴，食材上乘，菜式美观美味，大家都食得开心，饮得高兴 ！XO仔真系好少过海，所以能够再次黎到「嵯峨野」免费品尝其有心有力o既美食，一包眼福同口福，自觉非常幸运，好感激姨丈请客都预埋小肥 ！
张贴
