水晶晶泰國餐廳 (已搬遷) 新店位置

放工之后同几个朋友去揾野食，其中一个朋友就好钟意食海鲜嘅，见倒呢间水晶晶好似都有海鲜食咁，就入左去。入到去店员推介个海鲜套餐，咁我地4条友就叫左个鱼肚羹同粉丝大肉蟹。套餐得两个𩠌怕唔够食，但店员话OK，所以就冇叫其他野。咁个鱼肚羹其实都真系几大，4条友分都每人食倒两碗。味道唔错，羹嘅浓度都适中，唔会太稀。粉丝大肉蟹就麻烦啲，虽然只蟹都好大只，但始终唔够4个人分，每人分得一两件，唔够喉。而个粉丝摆明系为饱肚而设，不过粉丝有香料味，都几好入口。总体黎讲味道还可以，食海鲜黎讲价钱唔太贵，不过就有少少唔够分啰。