豚燻 (已結業)

成日写食评一般只系好好心机咁写好味既，唔好味或者好一般既就懒得写。。。但其实唔好都可以叫大家唔好中伏， 就的起心肝写啦，呢间拉面同一兰系埋同一条街，但同一晚就得呢间要排，一兰唔使㖞，有极大期望去试。呢间铺出名在于佢既拉面豚肉有股烟熏香味，仲有佢香浓味噌汤，网上comment 好OK,我都谂佢会好味过豚王嫁～ 所以都唔介意等。果日排左20分钟到就入等，人多既好处系一次就可以试所有小食。1. 鸟唐烧即系炸鸡$38～ 大阪酱，好味系甜左少少2. 熏制半熟玉子$14～ 有烟熏味，但唔系半熟无流心效果，系95%熟咁滞，作为流心蛋控既我，觉得呢只蛋唔合格呀。。。（豚王果只好食好多。。。）3. 烧牛舌$68～ 得8小粒，8啖食完。。。好味但太少啦4. 煎饺子$38～ 正常，无咩特别到左主菜既拉面，个招牌既味噌汤底俾比我预期中淡，豚肉有少少烟熏味，中规中矩既拉面，仲要108。。。咁点解我唔排其他更好味既拉面店？！