新廣南餐室

营业中

休息中

唔止一次入嚟食午餐，佢既怀旧皮卡座配衬陈旧绿色格仔枱布，感觉上似停留左系80年代，员工系充足嘅，睇嚟个个都系资深员工，都系佢有佢忙碌我有我食饭个种。老实说此地格局只配食个便饭。佢个餐牌绿色椰香槟影以为系几十年无换过既马拉星洲野，但系又揾唔到边一味系东南亚野，感觉都几奇妙。睇返佢个餐牌，点睇都系一间茶餐厅挂？之前试过佢个驰名咖喱牛肉饭，咖喱唔算香浓，略多椰汁味，牛肉得几块应该系成兜不出黎嘅碟头饭，今次不了。都系试下佢个厨房工夫稳阵啲。叫咗碟鼓椒牛肉饭，尚算合格，汁底有镬气 ，牛肉质地有惊喜，系鲜牛，淰滑有肉味！可惜卖相一般。第二碟叫咗茶餐厅101必修干炒牛河。充足嘅韭黄，葱段配合爽口嘅芽菜，加上佢既良心牛肉，用既河粉底唔会系幼身个啲，炒出黎够镬气之余调味恰当带少少焦香，师傅绝对无欺场，系好食既！总结此餐厅午餐系值得试下佢既炒粉面饭，多过佢推荐既马来咖喱既。