FireBird (東薈城名店倉)

营业中

休息中

来到东涌shopping，梗系要食餐好，铜锣湾都食过佢分店嘅串烧，今次见到呢度有萨摩牛同金枪鱼(吞拿鱼)。东涌呢度地方大好多，大部分都系靓靓卡位，有些间隔仲上到顶，私隐度好高，和式设计，灯光柔和，感觉好舒服。本金枪鱼三色刺身~连皮软骨上，大大刀切粒，鱼脂含量极高，入口即溶，口感劲正。FireBird名物重量级火焰原只鸡腿~铁板大大只烧鸡腿淋上酒点火，熊熊烈火劲惹火，店员细心提醒大家要小心保持距离呢！也会为你细心剪开鸡肉，铁板能保温，可以慢慢食。九州产炙烧萨摩黑毛和牛(西冷)~今日做特别优惠，好抵食，店员又出场，帮忙烤至五成熟，开火直烧，脂肪量咁高，果然系FireBird，好惹火，跟手剪开，热辣辣香喷喷，沾少少海盐或炸蒜粒，牛肉味道更突出，juicy！明太子半玉子烧~士多啤梨益力多cocktail~特色靓靓饮品都喺呢度嘅打卡位，即叫即做即刻打起嘅士多啤梨沙冰，正啊！建议大家平日嚟，周末假期咁多人shopping 等位都有排。