哦吧OPPA & POCHA

营业中

休息中

今晚去咗一间由韩国人主理嘅韩式隐世烤肉店食烤肉，餐厅环境都几舒服，空间大，座位阔落，终于喺香港食嘢，唔使咁逼咁焗促喇！就算好多台烤紧肉都唔会好大油烟味。赞👍！我哋叫咗济洲猪肩肉、牛肋条、牛肉石锅杂锦饭、蛋卷，另外menu内仲有主打嘅韩牛、酱油蟹、炸鸡架，款式都好多。餐厅有7款泡菜提供，我最钟意就系菠菜同腌萝卜。济洲猪肩肉 $180济洲直送真系唔同啲，色泽均匀，烧脆表面，包住啲肉汁，正！再配埋济洲鱼汁，零舍唔同。牛肋条 $260油脂分布均匀，烧嘅时候，牛肉嘅香气已经令人流口水，一碟份量都唔少。牛肉石锅杂锦饭 $108石头锅饭好够热，放一阵就有饭焦，正！有一支韩式辣酱同一支麻油比我哋拌饭用。蛋卷$88蛋卷配料有甘笋、葱花，蛋卷质感唔错，唔会卷到死实实，Like。