龍門冰室 (已結業)

番工要OT, 最后同左同事两个人去左龙门冰室食饭。我地两个番工都番到好攰, 已经好肚饿, 一坐低就急不及待叫野食!我叫左个龙虾汁鸡扒流心奄列餐, 同饮黑牛, 好耐无饮过喇, 要充充电!(冰室小教室：黑牛就姐系可乐加朱古力雪糕)其实佢呢度有好多野食, 有d连出面既冰室都未必有, 呢度都算系创意冰室!黑牛好快上到, 佢分开上, 可以比自己即时倒可乐, 更加有气, 自己倒就最清楚自己想点沟!饮落又多气又凉快, 饮饮下仲可以食下d朱古力雪糕, 都几写意, 好有童年回忆。主菜到了! 龙虾汁鸡扒流心奄列餐我期待以久! 好大件流心奄列同好厚鸡扒, 仲有龙虾汁, 成个餐好邪恶呀~先食流心奄列, 切开d白汁流哂出黎, 里面d汁好浓郁! 鸡扒煎得好脆, 肉质好嫩, 外皮脆卜卜, 好吸引!龙虾汁同意粉真系绝配, 意粉好弹牙!最后都忍唔住心思思叫左一道小食-蜜糖鸡翼。外皮炸得好脆口, 而且带有少少蜜糖既甜味, 又juicy, 六只好快就比我地食哂!成餐都好丰富仲要好好味, 唔OT都唔会出街食野, 都算系一个美丽既惊喜! 希望下次黎食唔好系因为要OT啦~