ROJO

营业中

休息中

事缘旧老细生日，佢系呢头返工，所以我就拣咗呢间餐厅同佢庆祝生日。当日我哋两个嚟食lunch，见到set lunch价钱好抵，亦都有好多唔同嘅款式可以选择。我旧老细拣咗pasta，而我就拣咗烧猪鞍。叫完郭个set之后就上咗汤同埋面包，面包几好，但系个罗宋汤就好似茄汁开水咁样。成件事系稀，又冇味。我旧老细系英国人，佢饮咗两啖之后就放低咗。我问佢，做咩啊唔好饮？佢话唔系呀 ’It’s delicious’，但系佢从此冇再掂过𠮶碗汤一下。之后我饮落去就觉得哦，我明白点解佢唔再饮个汤啦。之后佢碟意粉就上左，我见佢都食咗¾，应该质量系OK嘅，但系我见到啲虾系非常之透明，即系代表系超级急冻嘅虾。轮到我𠮶碟，我必须要赞，我自己叫个碟煮可以话系有95分，要煮到个猪鞍熟得嚟，又有肉汁，又唔会太老，呢间餐厅真系做得好好。而且唔净系个猪鞍，连旁边嘅烧杂菜，同埋薯蓉都系完美。我要求非常之高，但系可以话呢间餐厅我个人嗌嘅猪鞍系冇乜嘢可以挑剔嘅。希望留低呢个食评，比其他人可以作为参考。