Puppuccino (已結業)

上网见到海滨又多一间pet friendly餐厅，都多主人带埋宠物食饭。不过我系为左牛骨髓意粉而黎，！两个人叫左三样野，蕃茄水牛芝士大虾沙律、牛骨髓配烤鸡忌廉意粉同埋巨型猪鞍扒。🥗蕃茄水牛芝士大虾沙律本身想试叫starter，但见餐厅有一排柜水耕沙律菜，就想试下有咩分别。沙律菜以baby spinach为主，仲有大同细蕃茄，酱汁就系黑醋酱。baby spinach叶嫩，蕃茄都够甜。可惜无咁钟意呢款水牛芝士，口感比较实，芝士味都较淡。🍝牛骨髓配烤鸡忌廉意粉卖相相当打卡able，有一整条牛骨髓。店员提醒先将牛骨髓刮起捞意粉一齐食。忌廉意粉本身做得出色，忌廉湿润度同意粉口感都刚好，捞埋烤香左嘅牛骨髓，多左重牛嘅脂香，几有特色，推荐。🍗巨型猪鞍扒上台先知原来系炸，比较少见咁厚嘅炸猪鞍。切开后，炸衣唔算厚，话猪鞍好嫩就一定呃人，但都算易咬个种。块猪真系好巨型，好彩伴碟有沙律同红菜头莎莎解腻。餐厅最大卖点应该系pet friendly，餐厅有pet menu，唔怕啲狗仔净系望住主人食。食饭期间见到啲店员都几热衷同啲狗仔玩，仲请佢地食冻干零食，气氛几好。