T.Co (加拿分道)

营业中

休息中

呢间连锁外卖专门店来自菲律宾，港岛九龙都有分店，主打牛同鸡嘅烤卷，另有饭类同饮品供应。全部食物即叫即整，新鲜热辣辣，需要等候一段时间，份量适中，方便又快捷～烤卷要咗牛鸡各一，牛肉采用上乘美国牛，配上咸香芝士十分惹味、鸡肉就选用鸡腿肉，香喷喷，滑嫩多汁，完全唔嚡，两款配上惹味酱汁同新鲜蔬菜，令到整体味道同口感丰富。饭类有分size，配料同烤卷大同小异，值得一赞反而系个饭，蛋黄饭做得有心机，相比起白饭肯定好味好多，淡淡香气，而且唔油。饮品方面就要咗拿铁咖啡，下面落埋糖浆，甜甜哋，满足。