薄餅怪獸

营业中

休息中

土瓜湾有间小店叫薄饼怪兽，主打每日新鲜手制饼底，仲有心形pizza好特别。平日去都有唔少人帮衬同叫外卖，相信都几受街坊支持，可以取替到唔少嘅系连锁pizza店。今次叫左个set入面有一个中批、两个意粉/小食同餐汤，仲额外叫左个小食。怪兽多宝薄饼拣左配蕃茄酱，见到order嘅时候都有唔同嘅酱可以自行选择，自由度几高。另外选择左厚批，咬落去饼底几松软，唔会因为系厚批而焗到太硬太干好难咬。而且有好多配料，洋葱青椒火腿辣肉肠蘑菇菠萝牛肉猪肉，食落去令人好满足。芝士份量十分，边边位焗到香脆，切开仲拉到丝。海鲜焗阔条面阔条面新鲜焗起好够热，有蚬肉鱿鱼蟹柳，加埋个白汁。炸鸡原味炸鸡好香脆，咬落几嫩有肉汁，小食黎讲几大件。仲有其他口味选择。是日餐汤罗宋汤入面有几多洋葱青椒同菜，饮落唔会太酸，开胃又易入口。黑松露芝士焗啡菇啡菇焗到好juicy,切开仲有满满嘅菇汁同流心芝士。