影片
更多
2024-07-14
4639 浏览
今年生日决定系港岛香格里拉食自助餐，六点半第一场，平日星期四睇落有9成入座以上。我哋去嘅时候$808一位，去到先知仲有8折，开心！今期自助餐系卖海鲜主题。龙虾、青口、虾、蟹、蚬等海鲜就系基本啦，另外有避风塘蟹钳，鱿鱼，烤鱼等有烹调过嘅海鲜，可以换下口味。拖罗限时供应，质素唔差，值得一试。熟食方面有点心，饭，面，汤，鸡，牛，串烧，车仔面等，我就无乜点食留返个肚。今期有一乐烧鹅嘅烧味，推介叉烧，唔肥唔瘦，岩岩好！但我钟意食嘅烧肉就唔见有喇。记得听到钟声去排老火汤，我哋拎左两盅，胡椒猪肚鸡汤，胡椒味唔算重，清清地，加上岩岩滚起，钟意饮热汤可以去拎返盅试下。甜食方面有少见嘅鸡蛋仔、格仔饼、泰昌饼家嘅蛋挞(八点左右先出)等，个人觉得好食过好多鸡蛋仔店，师傅剪开每一份4至5粒，唔会食饱个肚，够细心！另外有榴梿蛋挞，我就无食喇。饮品方面选择唔算多，除左果汁，仲有三款口味嘅珍珠奶茶: 原味、芋头、蜜瓜，无得拣甜度。另外每位有一杯饮品，不过差唔多食完有职员黎落单先知，叫左一杯冻柠水就算喇。因为生日，枱面嘅餐枱纸都有写happy birthday，仲送左个约6寸嘅生日蛋糕，好有心但真系食唔落，最后成个打包
今期自助餐系卖海鲜主题。龙虾、青口、虾、蟹、蚬等海鲜就系基本啦，另外有避风塘蟹钳，鱿鱼，烤鱼等有烹调过嘅海鲜，可以换下口味。拖罗限时供应，质素唔差，值得一试。
熟食方面有点心，饭，面，汤，鸡，牛，串烧，车仔面等，我就无乜点食留返个肚。今期有一乐烧鹅嘅烧味，推介叉烧，唔肥唔瘦，岩岩好！但我钟意食嘅烧肉就唔见有喇。记得听到钟声去排老火汤，我哋拎左两盅，胡椒猪肚鸡汤，胡椒味唔算重，清清地，加上岩岩滚起，钟意饮热汤可以去拎返盅试下。
甜食方面有少见嘅鸡蛋仔、格仔饼、泰昌饼家嘅蛋挞(八点左右先出)等，个人觉得好食过好多鸡蛋仔店，师傅剪开每一份4至5粒，唔会食饱个肚，够细心！另外有榴梿蛋挞，我就无食喇。
饮品方面选择唔算多，除左果汁，仲有三款口味嘅珍珠奶茶: 原味、芋头、蜜瓜，无得拣甜度。另外每位有一杯饮品，不过差唔多食完有职员黎落单先知，叫左一杯冻柠水就算喇。
因为生日，枱面嘅餐枱纸都有写happy birthday，仲送左个约6寸嘅生日蛋糕，好有心但真系食唔落，最后成个打包走。
整体而言，自助餐质素系好的，对比其他自助餐黎讲有一啲特色嘅食物，例如鸡蛋仔、珍珠奶茶。亦欣赏有同其他餐厅联乘，一乐同泰昌。讲真大部分自助餐食物种类都差唔多，就系要有呢啲先令香格里拉自助餐有独特性，加深食客印象！
张贴
