影片
更多
2008-06-19
14 浏览
汉堡包系香港的选择十只手指数得晒，所以有机会试都会去试。虽然材料系咩，心里有数，不过正因为大家都差唔多，反而最适合做Quality test。之前睇过唔少让店食评，好就唔使讲，唔好之原因，都系离唔开汉堡扒过干o既问题。为左求证走去一试，无叫招牌菜，选左个辣肉豆汉堡连set。一如所料，份量唔使担心，处理手法都几有趣，顶盖包干脆无放系上面，因为要加辣肉豆放系汉堡扒上，所以第一啖食到o既系辣肉豆。辣肉豆调味不俗，甜味咸味恰到好处，用来𩠌包最o岩，有90分。面包柔靭有致，够香好咬口；薯条系连皮粗炸，单独买来食都唔错。入到戏肉汉堡扒，会唔会太干呢？用叉一压，好稔身，但汁唔多。一食就……奇怪，唔系太干，系太稔。厚身汉堡扒通常会沟洋葱及少少面包拑匀，但好明显，搓个位唔够均匀，仍然感觉到肉与面包之分离感，肉感尤其不足，有点扫兴。食完成个餐，未至太差，也不太好，好在唔难食。但以过去食Triple ‘O、Ned Kelly's Last Stand、Hard Rock Café之经验，Big Bite无预期中好。品质控制尚待改进，仲有通风做得麻麻，入去唔系有烤肉味，反而系焦味，对客人、员工都无乜好处。不过
之前睇过唔少让店食评，好就唔使讲，唔好之原因，都系离唔开汉堡扒过干o既问题。为左求证走去一试，无叫招牌菜，选左个辣肉豆汉堡连set。
一如所料，份量唔使担心，处理手法都几有趣，顶盖包干脆无放系上面，因为要加辣肉豆放系汉堡扒上，所以第一啖食到o既系辣肉豆。辣肉豆调味不俗，甜味咸味恰到好处，用来𩠌包最o岩，有90分。面包柔靭有致，够香好咬口；薯条系连皮粗炸，单独买来食都唔错。
入到戏肉汉堡扒，会唔会太干呢？用叉一压，好稔身，但汁唔多。一食就……奇怪，唔系太干，系太稔。厚身汉堡扒通常会沟洋葱及少少面包拑匀，但好明显，搓个位唔够均匀，仍然感觉到肉与面包之分离感，肉感尤其不足，有点扫兴。
食完成个餐，未至太差，也不太好，好在唔难食。但以过去食Triple ‘O、Ned Kelly's Last Stand、Hard Rock Café之经验，Big Bite无预期中好。品质控制尚待改进，仲有通风做得麻麻，入去唔系有烤肉味，反而系焦味，对客人、员工都无乜好处。
不过最怀念，始终都系Jack in the Box。无论白汁磨菇鸡扒包、珍宝包还是芝士烧肉包都令我再三回味，仲有一个必食辣肉豆Taco，Good food，Good price，惟一可惜系Not a good time，而家开业可能有得做。差不多结业10年，可惜可惜……
张贴