影片
更多
2019-07-20
335 浏览
前排撞返个旧同学，大家约埋返去慈云山个街场打波，顺便食餐饭聚下旧。当日打完波就去左呢间「红米主题餐厅」。装潢得好靓好新净，成条街系呢间餐厅特别显眼，我地七点去已经坐满晒人。晚餐都好平，咖喱牛腩焗饭连热饮都系四十几。本来都想叫晚餐，但我一入去就俾呢个「富士山蛋包王」所吸引。呢个饭除左蛋包饭、两只吉列炸虾，你仲可以自选两款食物（炸鱼柳、汉堡扒、煎鸡扒同厚切猪扒）同两款汁（烧汁、黑椒汁、蒜蓉汁、茄汁、咖哩汁同胡麻汁）我就要左炸鱼柳同厚切猪扒，汁要左黑椒同咖哩。呢碟饭上枱份量真系惊人，唔单只蛋包饭份量多，就连块鱼柳同猪扒都超大块。而两款汁系会半分淋系碟边，卖相一流。炸虾同鱼柳一样外脆内嫩，完全唔干身；猪扒坚厚切，脂肪唔算多，但食落好松软；滑蛋唔老，入口好嫩滑，茄汁饭粒粒都挺身，捞埋汁好好食。重点系每一样食物都系新鲜整出黎，呢个要求睇落好普通，但好多餐厅系做唔到。朋友要左美式皇牌杂扒，有齐鸡扒、猪扒、司华力肠、烟肉。跟饭、意粉或薯菜。卖相依然好靓仔，全部都热辣辣，就连跟餐个意粉都热到识喷烟。我地都好满意今餐饭。值得一提系餐厅侍应个个都好后生，但好好礼貌。点餐、上餐速度都好快。虽然今次聚旧就告一段
前排撞返个旧同学，大家约埋返去慈云山个街场打波，顺便食餐饭聚下旧。
当日打完波就去左呢间「红米主题餐厅」。装潢得好靓好新净，成条街系呢间餐厅特别显眼，我地七点去已经坐满晒人。晚餐都好平，咖喱牛腩焗饭连热饮都系四十几。
本来都想叫晚餐，但我一入去就俾呢个「富士山蛋包王」所吸引。呢个饭除左蛋包饭、两只吉列炸虾，你仲可以自选两款食物（炸鱼柳、汉堡扒、煎鸡扒同厚切猪扒）同两款汁（烧汁、黑椒汁、蒜蓉汁、茄汁、咖哩汁同胡麻汁）
我就要左炸鱼柳同厚切猪扒，汁要左黑椒同咖哩。呢碟饭上枱份量真系惊人，唔单只蛋包饭份量多，就连块鱼柳同猪扒都超大块。而两款汁系会半分淋系碟边，卖相一流。炸虾同鱼柳一样外脆内嫩，完全唔干身；猪扒坚厚切，脂肪唔算多，但食落好松软；滑蛋唔老，入口好嫩滑，茄汁饭粒粒都挺身，捞埋汁好好食。重点系每一样食物都系新鲜整出黎，呢个要求睇落好普通，但好多餐厅系做唔到。
朋友要左美式皇牌杂扒，有齐鸡扒、猪扒、司华力肠、烟肉。跟饭、意粉或薯菜。卖相依然好靓仔，全部都热辣辣，就连跟餐个意粉都热到识喷烟。我地都好满意今餐饭。
值得一提系餐厅侍应个个都好后生，但好好礼貌。点餐、上餐速度都好快。
虽然今次聚旧就告一段落，但我地已经约好左时间再一齐打波，再一齐食「红米」。
张贴
