The Garage Bar

营业中

休息中

因为有信用卡优惠所以同frd齐齐黎左呢间铺食burger。店铺开响康得思酒店既露天平台，灯光唔多，环境偏暗但几好feel，有太阳伞遮风挡雨，我地去果日又咁岩落雨，所以好可惜美食车无开，唔系既话应该仲好feel。我拣左只和牛burger，frd就叫左用素肉做既burger。未食过素肉所以好奇试左小小，如果唔话我知系素肉真系食唔出，不过有比较之下好明显素肉质地比真肉硬同无咁香，始终缺少左动物脂肪独有既香味。讲返我只包，块免治牛好厚身，外表睇落厚实，但入面好松软，而且仲有d镬气（唔识点形容，用左最近似既感觉🤣），薯条好粗身仲热既新鲜炸起脆卜卜，食得出系落order先即整即炸，唔似快餐店焗到淋哂，一分钱一分货。跟餐有支啤酒，我本身唔好酒饮唔惯，但见无几可咪试下。饮落又几易入口，就算饮唔惯酒如我都接受到，饮完个口会有阵香味stay响度，唔知系咪人地讲既麦香味。同frd一路食一路倾计，环境好relax感觉时间都变慢左，一直都想揾一个可以唔洗比人赶又可以悠闲渡过既地方，终于发掘到一间。但唯一缺点就系铺头比人食烟，偶尔吹d烟味过黎都几影响。