S2 Kitchen (已搬遷) 新店位置

N年前黎过呢间S2 Kitchen。今日经过石板街，心思思想食日本菜，不如就再食下啦。餐厅入口位于石板街斜路，入面非常的骰，不过重点系食物。呢度好似一间日式居酒屋，餐牌有沙律，佐酒小食，刺身寿司，卷物，炉端烧，饭面，一品料理，甜品等等。墙上餐牌都有其他厨师推介同精选可选择。每枱有支消毒搓手液，令人安心用。黑松露北海道帆立贝野菜沙律 $91＋10％北海道帆立贝有4块，切得厚度适中，新鲜味美。上面舖上黑松露酱，好香黑松露味，同帆立贝一齐食好夹!沙律菜新鲜，配上少少酸嘅沙律汁食，上面撒上d白芝麻同蟹籽，清新开胃。芝士鱼饼 $48+10%一客四件，鱼饼超弹牙，煎得外皮香脆，中间芝士流心，配埋面头既沙律酱一齐食，一d都唔干，下面仲配有沙律菜。好味!芝麻鸡翼 $38＋10％ 一只外皮香脆，虽然有少少㶶，但系脆到连骨都可以咬开，如果芝麻味重d仲正。蟹籽露荀明太子炒饭 $158＋10％呢个炒饭炒得好干身，惊喜地加左好多黑松露，好香。露荀好新鲜，加左蟹籽增添咬口，新鲜热辣呈上，唔错既一道炒饭。今次试唔到名物海胆杯同刺身寿司，好可惜。