Rice Paper (已結業)

Item: Rice Paper
Rating: 4
Author: 1227

3.5

116 食记

味道

环境

服务

卫生

抵食

156

铜锣湾

$101-200

越南菜

1227

等级4

385

是晚为2位旧同事庆祝生日, 一行6人去世贸中心的rice paper食, 本来想book 7:30, 不过佢得2轮booking：6:30 (要8:30前交枱) & 8:30, 我d大忙人朋友6:30一定唔得啰, 所以我地book咗8:30。由于时间充足, 我去东海堂买咗个芒果流心cake, an then就拎去rice paper 打算放低雪住先。(rice paper本身要收$100切饼$, 不过由于rice paper系美心集团, 所以如果系同一集团的美心cake or 东海堂cake就唔洗收费)。去到rice paper, reception果个女侍应已经好好招呼, 我讲明来意, 佢仲好搞笑问：”咁你想个cake叫我地起定有surprises咁起”..哈哈..我话无咩所谓啦。放低个cake就走去行街街。8:30pm去番rice paper, 一行埋去未讲嘢, 个女侍应已经认得我系头先放低个cake, 就已经话：”你有朋友到咗了”, 好劲呀。我地就叫咗6样嘢食, 食完好似唔系好够喉 (佢d食物系偏少的), 所以又叫多3样。First round：青木瓜芒果沙律：d青木瓜好硬,

是晚为2位旧同事庆祝生日, 一行6人去世贸中心的rice paper食, 本来想book 7:30, 不过佢得2轮booking：6:30 (要8:30前交枱) & 8:30, 我d大忙人朋友6:30一定唔得啰, 所以我地book咗8:30。由于时间充足, 我去东海堂买咗个芒果流心cake, an then就拎去rice paper 打算放低雪住先。(rice paper本身要收$100切饼$, 不过由于rice paper系美心集团, 所以如果系同一集团的美心cake or 东海堂cake就唔洗收费)。去到rice paper, reception果个女侍应已经好好招呼, 我讲明来意, 佢仲好搞笑问：”咁你想个cake叫我地起定有surprises咁起”..哈哈..我话无咩所谓啦。放低个cake就走去行街街。

8:30pm去番rice paper, 一行埋去未讲嘢, 个女侍应已经认得我系头先放低个cake, 就已经话：”你有朋友到咗了”, 好劲呀。
我地就叫咗6样嘢食, 食完好似唔系好够喉 (佢d食物系偏少的), 所以又叫多3样。

First round：

青木瓜芒果沙律：d青木瓜好硬, 感觉一般。

软壳蟹rice paper with 芒果汁 (本身得4件, 我地加多2件)：好味, 软壳蟹够热, 点芒果汁好味。

(唔记得名) 饭：份量太少, 味道一般。

猪仔骨：ok好味, 唔似西式果d咁多酱汁, 都ok。

小食并盘：内有好多款式, 好味 (内有软壳蟹rice paper2件, 早知唔洗加啦..哈哈

)。

牛油鸡亦：好味。不过话就话有6件, 其实系3只亦、3只锤。

Second round：

捞檬配春卷：捞檬唔够汁, 要再问佢攞多2杯汁。个檬味道麻麻。春卷够热, 好味。

牛柳粒红饭：牛柳粒ok好味, 不过有d辣。红饭有”色水”, 不过唔够味。

酱油鸭：ok好味, 不过呢味𩠌唔系中式咖咩?!

10:30pm last order (订位果阵已经讲明系11:00pm close的), 之后我地叫侍应上cake, 都等咗少少时间。我地影哂相, 切咗一刀后, 侍应攞走个cake去分, 仲好细心问要切几多件 (虽然我地明明系得6个人, 不过友人话可能会有人唔食, 所以侍应细心的问系ok咖)。系D cake未上番嚟时, 就有人嚟叫我地埋单, 再等多阵就有cake食, 个cake上面的一粒士多啤利仲好有心机咁切番6份…哈哈。之后大约11:00pm, 餐厅内灯光turn番好光, 好似人地睇完红馆concert咁…哗咖咖咖

…不过又唔会话太赶客Feel, 始终d餐厅喺shopping arcade内都总会有呢d情况。
总括嚟讲service好好, 食物OK, 不过份量都系偏少, 环境ok, 价钱中位 (total $945)。