牛扒先生 (已結業)

今次特发黎食Mr steak嘅晚夜套餐，叫左个 surf and tuff，主菜有块牛扒同半边龙虾仔，朋友叫左三文鱼配龙虾，包前菜甜品，红白酒一杯，餐饮同餐汤 开餐前黎个scoop先，好好食好松软又香，佢个牛油好好食啊唔知出面有冇得买呢，我同朋友每人食左两个 红酒就普普通通嘅 house wine 前菜有个三文鱼沙律，好新鲜，三文鱼同菜都好食加埋佢个沙律汁，好开胃！仲有个系焗芝士海鲜，都唔错，个啲汁太多食到会有点济 个餐汤叫做干邑龙虾汤，入面真系有一粒虾嘅，好浓好有味 到个主菜上，都唔错卖相，侧面伴碟沙律都好好食，个龙虾鲜嫩，牛扒8成熟啱啱好。 到个甜品，系冇得拣嘅是日精选，芝士蛋糕，不嬲都知佢地甜品一般般，所以都冇乜期待，好彩当时已经食到好饱，食左两啖就埋单走左噜。