豪隍點心工房 (已結業)

呢间舖头点心出名， lunch time有套餐，一个蒸饭加一个点心先至系$49 ，好抵食。饭我地就拣咗凤爪排骨饭，至于点心我就拣咗养颜红枣糕，另外再叫咗几个点心，分别有雪山叉烧包、凤爪、四宝鸡杂同埋菜苗饺，样样嘅味道都唔错。佢个凤爪排骨饭都唔算细中，当然凤爪嘅数量比较少，所以我哋先至叫多一笼凤爪，佢个排骨嘅质素唔错，相对系肥肉比较少，排骨𠮶啲汁渗咗入饭里面好好食。而跟𠮶个点心就拣了红枣糕，不过红枣糕的红枣味唔系好浓。雪山叉烧包好好食，虽然邪恶啲，但系值得嘅。佢𠮶个菠萝包面真系好正，另外佢入面啲叉烧用料都唔错。菜苗饺馅料都系好新鲜好好食，饺皮好薄，晶莹剔透。鸡扎都做得好好，特别系个鱼肚，好入味，件芋头都好粉好靓。