麺屋武蔵 (MOKO新世紀廣場) (已結業)

以前去面屋武藏，食过佢嘅拉面、沾面、叉烧饭同炸鸡，都系散叫。近排先知佢原来仲有set lunch，仲要质数唔错。当中有牛排定食、鱼定食、麻酱冷面或韩式鸡肉拌面等等，所以我地成班同事间唔中都会去帮衬。每次去食，都会最多同事拣牛排定食。因为份量充足，仲可要求加大饭嘅份量，连胃口较大嘅男同事都唔会唔够饱😂。牛排定食$69包括牛排、饭、前菜、沙律菜、泡菜汤。当中牛排煎得够香，而且沙律菜够新鲜。另外嘅炸鸡亦相当美味，当中嘅酱汁有少少日本芥末味，有少少沙律酱味，系一大功臣。但可惜每次个汁都俾得好少份量，如果可以俾多D汁就perfect。总括而言，值得推介。