好時沙嗲

营业中

休息中

今日睇黄子华之前就黎左好时沙嗲，之前执左一排，又再重开。位置同装修依旧， 食物都仲系个啲， 海南鸡呀， 叻沙呀， 个啲。今次个menu 好似新左。讲紧个纸质。叫左份沙嗲串烧叫得好时沙嗲， 啲沙嗲应该好食啦。啲沙嗲汁的而且确系好食， 够香，味道都唔会牌辣。但系啲串烧就真系麻麻。 啲肉冇乜味， 有啲散。 唔够热。星洲炒萝卜糕系我每次黎必叫既， 本身我好钟意食萝白，再加上呢碟野系好够味。 好香口。份量够二人吃。仲有叫左个叻沙， 味道 ok , 但系浸得耐左， 唔够汤，香味都唔够。埋单167。 要加一。 价钱唔贵， 但系感觉去茶餐厅食野咁， 要加一有啲奇怪。