麒天 (已結業)

ICC 101 要上101楼可能未必个个识揾个位上去但如果话系田舍家𠮶层就应该有印象。从Sky100 dining嘅电梯上。带花椒麻味嘅象拔蚌刺身，味道清爽，口感爽脆松叶蟹蟹膏 配琵琶虾，有种和风，中日菜嘅感觉。忽然令我联想起上一道象拔蚌，如果琵琶虾都换上刺身虾，应该更开心😂金沙日本南瓜南瓜自带天然甜味，表面干爽亦无多余油份。菜胆包翅，比较清甜的做法，食完金沙南瓜后清一清个口。豉油王花竹虾 比外表出色，虾壳脆到可以轻易离壳 用刀叉食无问题，入面虾肉都好够味。清蒸海瓜子班依度蒸鱼唔错，蒸得刚好，大家异口同声一赞👍🏼忌廉汁鱼子 配花胶嘅做法相信大家都唔陌生，但炸花胶确实少见一点，依样烹调手法用于花胶上而不油腻都系一项挑战。主要以忌廉汁调味，汁够厚但略欠层次底蕴，当然再调整也不难。视为新菜式品尝可以😌瑶柱扒豆苤，瑶柱丝好足，中式常见嘅蔬菜类菜式。原只鲍鱼烧卖，卖相吸晴，下面嘅烧卖都唔错。鹿儿岛豚肉炒饭，够干身冰糖燕窝，传统简单做法，不太甜，作尾无负担。场地上位置优越，海景 多房间 有得唱K 适合大伙人派对活动。