串燒橫丁

营业中

休息中

SOGO地下两层有唔少高级外卖食，今次比日式便当吸引，性价比高，而且食物质素几好，推介！令我最惊喜嘅系串烧牛舌，佢做到爽口弹牙、有口感，佢冇切到太薄，可以叫多几串食。单叫要$18，而家买便当加多$20就可以有串牛舌同埋三粒章鱼小丸子，好抵！章鱼小丸子入边都真材实料，大大粒章鱼，最钟意食烧汁同沙律酱！是日松花堂便当$59- 便当有九格卖相吸引，其中三格系寿司卷物，其余有鲭鱼、带子、天妇罗炸虾、沙律等等，除咗天妇罗炸虾，其余所有食物都好好味。炸虾炸粉太厚冇味道，同埋已经淋左，所以唔好食。其他食物都好新鲜。盐烧鲭鱼便当$59- 便当份量好大，鲭鱼有手掌咁大块，仲有洋葱牛肉、日式炸鸡！仲配有唔少蔬菜、沙律，营养丰富！炸鸡仲脆，鲭鱼唔腥仲好鲜甜。呢份便当可以几个人share一齐食都得，我觉得仲好味抵食过松花堂便当。