影片
更多
2019-06-27
218 浏览
朋友系openrice见到soho呢间尼泊尔菜有半价优惠！咁抵食就叫埋我去。尼泊尔菜本身唔系好辣，所以应该都适合我嘅口味。行到扶手电梯顶，见到呢间大大个横额写住系Soho第一间餐厅。入嚟已经听到轻快嘅尼泊尔歌曲。<南瓜香菜汤> （$62）呢个汤真系一绝，系新鲜嘅南瓜打出黎，无落奶类制品一样咁滑，呈现出最自然嘅南瓜味，仲好浓郁添。<什锦菜咖喱角> ($72)呢个馅料超丰富，有绿豆、薯仔、腰果。话就话少辣，对我平时食开BB辣黎讲都唔算辣啊。仲跟好多款汁可以落，分别有甜既芒果、酸既酸豆、够清爽既薄荷乳酪、少少辣既番茄红椒、麻辣既青椒芫荽。咁多款，味蕾够晒满足。<咖哩杏汁石斑鱼> ($165)、<香草饭> ($78)、<尼泊尔包> ($55)石斑鱼超滑，配上呢个用杏仁同尼泊尔香料调制既奶滑咖哩汁，真系饭都食多两碗。尼泊尔既饭比较幼细，入面仲有一粒粒藏红花，用尼泊尔传统铜器装住，咁得意，问下侍应，原来呢种饭用左八种香料调制，比我地平时食既饭更容易消化，而且个铜器系比正常煲有更高既锁汁能力。同时亦叫埋尼泊尔包黎配呢个美
朋友系openrice见到soho呢间尼泊尔菜有半价优惠！咁抵食就叫埋我去。尼泊尔菜本身唔系好辣，所以应该都适合我嘅口味。行到扶手电梯顶，见到呢间大大个横额写住系Soho第一间餐厅。入嚟已经听到轻快嘅尼泊尔歌曲。
<南瓜香菜汤> （$62）
呢个汤真系一绝，系新鲜嘅南瓜打出黎，无落奶类制品一样咁滑，呈现出最自然嘅南瓜味，仲好浓郁添。
<什锦菜咖喱角> ($72)
呢个馅料超丰富，有绿豆、薯仔、腰果。话就话少辣，对我平时食开BB辣黎讲都唔算辣啊。
仲跟好多款汁可以落，分别有甜既芒果、酸既酸豆、够清爽既薄荷乳酪、少少辣既番茄红椒、麻辣既青椒芫荽。咁多款，味蕾够晒满足。
<咖哩杏汁石斑鱼> ($165)、<香草饭> ($78)、<尼泊尔包> ($55)
石斑鱼超滑，配上呢个用杏仁同尼泊尔香料调制既奶滑咖哩汁，真系饭都食多两碗。尼泊尔既饭比较幼细，入面仲有一粒粒藏红花，用尼泊尔传统铜器装住，咁得意，问下侍应，原来呢种饭用左八种香料调制，比我地平时食既饭更容易消化，而且个铜器系比正常煲有更高既锁汁能力。同时亦叫埋尼泊尔包黎配呢个美味咖哩，个包同印度包一样，有韧性，好有咬口，真系风味非凡。
<尼泊尔啤酒> ($48)
美味丰富既一餐点少得尼泊尔啤酒，呢支啤酒犀利啦，原来系海拔5500米嘅珠穆朗玛峰嘅山泉特制而成，口味清新，少少甜再带有少少麦味，唔算太多气，几啱我口味。
食左咁多野，仲有得半价，超正！原来呢度食够$1000仲有得送Rum酒！下次真系要叫齐成班同事上黎食番餐劲既。
张贴
