臺北棧 (荷李活道) (已結業)

今晚约咗一个啱啱喺台湾返嚟嘅朋友去到中环Soho区，拣咗一间食台湾嘢嘅餐厅，都要排一阵队先有位，见佢咁受欢迎就试吓啦。睇个Menu就俾佢紫色嘅蛋饼吸引，就叫咗个脏脏芋泥咸蛋黄蛋饼，出奇地好食㖞。入面嘅芋泥就好似莲蓉包嘅馅咁，再加左一啲薄切嘅蛋，蛋饼外面又有咸蛋黄碎吊味，最重要系卖相非常靓，打卡一流。再加一碟鲁肉伴台湾A菜，呢碟菜味道香浓，如果攞嚟送饭，都会食到好多碗。不过我哋今日就拣咗食面-牛腱鲨鱼骨豆乳汤面。虽然去过几次台湾，但系都未食过。可以拣粉丝或者刀削面，最后我哋决定刀削面，因为会比较吸收到鲨鱼骨豆乳汤嘅香浓味道。牛展嘅牛筋分布得均匀，味道亦唔会比豆乳汤抢咗，而且煮得都算淋。其实仲有好多酒类饮品想试㗎，但听日要早起身，唯有下次再嚟啦。