居食屋「和民」 (已結業)

一次同屋企人嘅聚会，八个大人两个小朋友当然希望揾一间可以有房嘅地方。其中一个小朋友好钟意食和民，于是我哋就拣咗太子一间和民贪佢有间房可以够我哋咁多人坐。其实呢间太子嘅和民我都曾经帮衬过好多次，印象中食物都系OK嘅。今次去到第一下就已经扣分啦，间房超热，唔知系冷气坏咗定系冇冷气定系有冷气都咁热。不过佢嘅员工都算系帮到啲手，俾咗一啲小风扇我哋，但系吹左唔够1分钟就冇电。我哋都系照平常咁样叫Pizza、和民沙律、韩式石头饭、鲭鱼、寿司同刺身等等十几廿样野。今次食觉得食物嘅味道好似唔及其他嘅和民分店，呢次之后我就再冇帮衬过。