一起食堂 (域多利皇后街)

营业中

休息中

今次试下中环既台湾菜，地点非常近我office，亦都近其他消遣地方，食完去玩冇得输。台湾菜一路俾人既感觉系款式变化唔太多，老板出奇地推介海胆三色蟹肉冷乌龙面。呢个组合我以为净系日本餐厅先食到，但原来台湾餐厅整一样咁出色，适合海鲜控。朋友试左同样系老板推介既海胆红烧三宝牛肉面，牛展爽，牛丸弹，牛腩嫩，汤头够浓。食完面就试下食台湾菜必食即盐酥鸡，完全系新鲜炸起，入口会喷白烟𠮶种，用嚟送冬瓜茶好夹。最后唔好以为睇落细细碗，食一碗面加一份小食，连我平时够晒大胃口都觉得饱。