St. Barts (已結業)

情人节系一个掠水嘅节日，不过大家又想出去庆祝下锯下扒，于是展开一轮地毯式搜索，终于揾到间相宜嘅餐厅，$308pp有齐前菜、主菜、甜品同埋一杯酒，真心抵，虽然未帮衬过唔知质素如何，但肯定嘅就系呢间系一间良心店，无mark up太多，仲要送妳一支玫瑰。🍴前菜 (三拣一)—————————龙虾汤⭐️⭐️⭐️⭐️非常浓郁嘅龙虾汤，里面仲有几只小龙虾，味道口感都唔错。羊奶芝士葡萄丸酿烟薰三文鱼伴开心果⭐️⭐️⭐️⭐️⭐️味道层次丰富，首先香脆外层，继而系creamy芝士，之后系香甜提子，超夹超好味，好想encore！🍴主菜 (四拣一)—————————黑安格斯西冷扒配薯条沙律 (+$25)⭐️⭐️⭐️牛扒medium煎得好靓好juicy，牛味仲好重，不过口感有些少韧同埋薯条唔热。烩羊膝配薯蓉·蜂蜜胡萝卜·西兰花 (+$15)⭐️⭐️⭐️⭐️羊膝入口即化唔会鞋，有些少羊膻味，好正！薯蓉好香好滑同时有些薯粒口感，好味，仲有甜甜嘅萝卜都好味。🍴甜品————-红丝绒蛋糕伴雪糕⭐️⭐️⭐️⭐️第一次食红丝绒蛋糕所以唔知好唔好味，不过伴云尼拿雪糕就一定无得输。🍴酒 (四拣一)————————-白酒⭐️⭐️⭐️阿sir话麻麻地，咁人哋收得你呢个价钱就系咁