The Platter (悦品天秀酒店‧元朗) (已結業)

上星期 趁住两个细路未开学 一家大细去湿地公园玩左一日，晚上来到The Platter享用晚餐。餐厅响新开嘅悦品天秀酒店，入到酒店大堂 见到D布置 几有大自然FEEL。上到四楼餐厅，见到好多位置摆放左唔同既运动装饰，原来系用运动做主题嘅餐厅，风格比较新颖同轻松，我like，无一般酒店果D餐厅咁拘谨。当日因为系平日，唔算系非常多人，餐厅经理比左一个Set Menu我地，原来每个礼拜嘅菜式都唔一样，睇D菜名都好吸引，最惊喜嘅就系餐牌嘅价钱，同埋每道菜都会附送餐汤同甜品，好抵食! 我地Order左个意式蕃茄小河虾扁意粉 同埋扒连尖鱼柳配香草忌廉汁。 品尝完个餐汤之后侍应就上主菜，个卖相真系几OK，我地香港人紧系相机食先。闻落去已经有好香既芝士同蕃茄味，意粉既硬度岩岩好，食物既质素拍得住出面嘅酒店。佢地做紧开幕优惠，可以加3蚊 享用Haagen Dazs配薄饼既甜品，埋单果阵仲有八折，每人150蚊都唔洗就食到超水准嘅菜式，听讲佢地星期六日会有BUFFET如果有机会都想再同屋企人黎试下！