CENA

营业中

休息中

玩完SUP，拖着疲倦嘅身躯去觅食，极需要补充体力。经过西贡小巴总站一直直行，就发现Cena。Cena 室内室外都有雅座，仲有啲外籍人士带埋好可爱嘅狗仔嚟，好啱西贡呢种休闲外国feel。一行三人点咗古巴手撕猪肉粟米软饼、海鲜意大利饭同Cena’s 烟熏烤鸡披萨。Cena’s 烟熏烤鸡披萨惊为天人，唔好计本身肚饿，我哋三个一致都觉得食物质素超班。同想像中嘅薄批唔同，佢系用咗双层嘅批底，中间夹杂左芝士。芝士层好柔软，真正食到外脆内院嘅Pizza。食得好满足。除咗芝士味同烟熏鸡嘅淡淡BBQ酱之外，批面嘅酸忌廉更加嘅系锦上添花，令到个批唔会腻，味道平衡得好好。虽然有写到有泰式辣酱，但系冇咩辣味，所以唔食辣嘅人都冇问题。古巴手撕猪肉粟米软饼有几个层次，有莎莎酱、手撕猪肉同牛油果。手撕猪肉以大蒜、秘制酱、橙汁所腌，味道偏浓厚，有啲盖咗莎莎酱。整体都好惹味。海鲜意大利饭调味刚刚好，蕃茄酱唔会过酸。饭唔伯过稠，钟意呢种饭嘅湿润度。希望快啲再嚟西贡玩水，再嚟食。