True House (已結業)

今日自己一个食lunch,又迟咗出发去揾食，行行下见到呢间小店门口系Tiffany blue颜色加白色几靓吸引咗，又仲有位就试下，有5个餐不同价钱，都送意大利杂菜汤/苹果汁/菜蜜我拣咗B餐跟汤意大利杂菜汤有好多蔬菜，几浓蕃茄味，加d香草同黑椒味，有自家煲嘅感觉葡汁猪扒煎蛋意粉(可拣饭) $58 - 一上台，估唔到咁大碟，块猪扒好大块，系黑椒味，猪扒系即叫即煎，所以热辣辣仲脆脆哋，伴碟有d椰菜，食咗咁大块肉，食番d菜就均行dd，另外只蛋煎得好好，系太阳蛋，脆边，蛋黄无熟亦够热。意粉份量都唔少，葡汁够晒伴意粉食，食晒食碟真系好饱！