影片
更多
2006-04-09
9 浏览
今日去尖沙咀食lunch。度度都好多人，见呢间细细间好少人，个menu都ok咁就入去睇下啦。点知真系令人极度失望!! d人做野效率真系超低，我叫个lunch (泡菜肥牛炒饭+饮品+甜品，冻饮加3元，要$4x)。我一路做自己野一路等佢上菜，个阵时间舖得几个客，一半已经系食完系度倾偈，咁我谂住应该好快会上。差唔多半个钟后我开始唔耐烦，个饭仲未到，但我见隔离个客早过我到都仲未催，同埋我自己又唔系真系好赶时间，咁我就费时催佢啦。跟住好啦终于上菜，点解系个不知名意粉，我同个waitress讲唔系我既，佢个样好唔信我咁去check左几次单。但我入黎就系为左食呢个饭，一定唔会叫错，而且我唔钟意食意粉，所以我坚拒唔要。跟住又系等，照理做错左俾客系咪要尽快补番个饭俾人? 但唔知佢点解又要搞咁耐(个时己经无乜客)。好耐之后佢终于俾左个饭我。个waitress就系放我枱面一句道歉都无就走左。咁都算，但佢无俾匙我，我真系唔知点样食? 食落去个饭真系普通过唔普通，我相信我屋企炒真系5分钟就搞掂，又唔驶焗，真系唔知佢点解要花咁耐整一个咁既饭。食完个饭，到甜品，又系等。隔离有人等唔住连个甜品都无食就己经走左。系椰汁
点知真系令人极度失望!! d人做野效率真系超低，我叫个lunch (泡菜肥牛炒饭+饮品+甜品，冻饮加3元，要$4x)。我一路做自己野一路等佢上菜，个阵时间舖得几个客，一半已经系食完系度倾偈，咁我谂住应该好快会上。差唔多半个钟后我开始唔耐烦，个饭仲未到，但我见隔离个客早过我到都仲未催，同埋我自己又唔系真系好赶时间，咁我就费时催佢啦。跟住好啦终于上菜，点解系个不知名意粉，我同个waitress讲唔系我既，佢个样好唔信我咁去check左几次单。但我入黎就系为左食呢个饭，一定唔会叫错，而且我唔钟意食意粉，所以我坚拒唔要。
跟住又系等，照理做错左俾客系咪要尽快补番个饭俾人? 但唔知佢点解又要搞咁耐(个时己经无乜客)。好耐之后佢终于俾左个饭我。个waitress就系放我枱面一句道歉都无就走左。咁都算，但佢无俾匙我，我真系唔知点样食? 食落去个饭真系普通过唔普通，我相信我屋企炒真系5分钟就搞掂，又唔驶焗，真系唔知佢点解要花咁耐整一个咁既饭。食完个饭，到甜品，又系等。隔离有人等唔住连个甜品都无食就己经走左。系椰汁马蹄露，唔好食。到呢个时候我真系好后悔黎呢间野，到最后一蚊tips我都唔愿俾。
平时我一个人食饭唔驶半个钟就搞掂，今餐就食左我个几钟，仲要大部份时间系度等。d野食又唔系特别好食，又唔系平，d乌蝇系咁飞黎飞去，食住个饭不时要系度拍鸟蝇。真系唔怪得间野咁少人。我以后都唔会再去!
张贴