Twinkle Baker Decor (希慎道)

营业中

休息中

欧爸双子牛一，J神哥哥好有心思地喺「Twinkle Baker Decor」买咗个靓靓蛋糕俾寿星仔吹吹同许愿。蛋糕盒个透明窗露出粉美嘅「冰雪奇缘」雪景，相信系为验收蛋糕时唔洗打开盒盖而设计，卫生非常。必需三日前预订嘅「白雪奇遇」外型精致动人，同XO仔喺便利店抽到嘅双星仙子「Little Twin Stars」开运小瓷罂衬到绝！嘻嘻，连欧爸们见到都忍唔住要影多两幅相放上社交网度晒。蛋糕除咗外观吸引，原来仲内有干坤，糕心藏有白色同粉蓝色嘅朱古力豆豆，可增添玩意及口感，够哂新奇有趣，未食已可提升场内气氛！白雪奇遇（$388）：一早就预咗最外层嘅雪景糖霜会好甜，好彩个朱古力味蛋糕只属微甜，又够松，唯一质感偏咗少少干，夹入咗朱古力味忌廉令蛋糕柔滑返，啲朱古力豆豆又够甜脆，组合其实真系食得过嘅。「Twinkle Baker Decor」出品嘅蛋糕颜值高，包装卫生，或许价格略为偏高，但于庆祝活动绝对可成功牵起高潮，大家不妨一试。