古朴年代咖啡．酒館 (已結業)

大围有间咁大嘅酒馆，今日终于有时间去试下，一入去就有台湾嘅感觉，其实都可以话系一间好大嘅cafe。有两层，上层比较少位置，类似阁楼，墙身以vintage 为主题，贴上油画。好贪心咁叫左3个set lunch, C,D ,K。沙乐美肠奄列有新鲜伴菜，奄列入边嘅蛋好特别，无系第二个地方试过，奄列外稍脆内creamy。香煎鸡扒意大利包好抵食，鸡扒皮煎得香脆，配上酱汁同生番茄，同意大利包texture好夹，"烟烟韧韧"，好有嚼劲。仲有一大堆薯条，薯条幼身，新鲜炸起，一口咬落去薯蓉溢出，小心烫口。班尼迪克蛋以火腿为主要，水波蛋煮得刚好，兰母酱creamy。其他配菜中中等等。Set lunch 仲有是日甜品送，系cream tart，tart好似曲奇饼几松脆，cream就有点滞，不过系送的已经算系咁。