影片
更多
2022-04-03
659 浏览
网上面啲人都话要提早book定位，我哋早一个星期先打电话去，但系好好彩最后系有位！星期日嘅menu系omakase brunch，12点食到3点。$538就有五道菜，加多$60就有八道菜。所以我哋都毫不犹豫拣左八道菜。另外佢仲有得加钱任食生蚝，仼饮酒。我地都有加到既。次次都会心思思睇吓其他人食评，想知道有啲咩食，今次又衰多手睇咗，但系最后同我今日食嘅都唔同！首先佢就会上左两个面包，其中一个系蓝莓，另一个听得唔系好清楚，不过就太硬所以冇食到。蓝好味𠮶个好松软，但系蓝莓味道唔算突出，反而面包会有少少嘅紫蓝色。比较特别嘅系佢附上嘅系海苔牛油，少少咸，带有紫菜嘅香气，不过我就比较建议拌另一个面包食啦，味道比较夹。今次任食嘅系日本岩手县嘅生蚝，每只蚝嘅size好大，肉质鲜甜，有加上小嘅海水味。本身上网睇食评，之前喺法国生蚝，仲要自己出去拎。但系今次疫情关系，佢哋都会好贴心咁样三只三只上俾大家。第一道菜系乳鸽汁茶碗蒸，入面有鲍鱼，冬菇，黑松露。第一下闻落去香气扑鼻，未食已经闻到蛋同黑松露嘅香。佢嘅蒸蛋好滑，鲍鱼亦都唔会太韧，冬菇亦都好入味，不过我就少少略嫌蒽嘅味道太重，抢走左本身食材嘅味道。第二道
次次都会心思思睇吓其他人食评，想知道有啲咩食，今次又衰多手睇咗，但系最后同我今日食嘅都唔同！
首先佢就会上左两个面包，其中一个系蓝莓，另一个听得唔系好清楚，不过就太硬所以冇食到。蓝好味𠮶个好松软，但系蓝莓味道唔算突出，反而面包会有少少嘅紫蓝色。比较特别嘅系佢附上嘅系海苔牛油，少少咸，带有紫菜嘅香气，不过我就比较建议拌另一个面包食啦，味道比较夹。
今次任食嘅系日本岩手县嘅生蚝，每只蚝嘅size好大，肉质鲜甜，有加上小嘅海水味。本身上网睇食评，之前喺法国生蚝，仲要自己出去拎。但系今次疫情关系，佢哋都会好贴心咁样三只三只上俾大家。
第一道菜系乳鸽汁茶碗蒸，入面有鲍鱼，冬菇，黑松露。第一下闻落去香气扑鼻，未食已经闻到蛋同黑松露嘅香。佢嘅蒸蛋好滑，鲍鱼亦都唔会太韧，冬菇亦都好入味，不过我就少少略嫌蒽嘅味道太重，抢走左本身食材嘅味道。
第二道菜系北海道带子配coriander sauce。本身对芫荽冇乜好感，但系佢唔算好重芫荽味，不过酱汁除咗有芫荽味，亦有少少辣味提升整体嘅鲜味，整体可以接受。带子本身都有煎香两边，肉质弹牙，亦都保持嫩滑嘅口感。
第三道菜系sea bass配上云南薯仔同鱼子酱既汁。相对呢一度就比较失望，本身对呢道菜嘅期望可能好高，摆盘相当精致。但可能烹调过咗少少火，竹质略嫌有少少实，而sauce味道唔算太大嘅惊喜，鱼子酱冇办法带到足够嘅咸香味，整体唔算好match，有少少失望。
第四道系龙虾天妇罗。龙虾外层系有墨鱼汁同竹炭粉，另外亦都配左 avacado sauce。龙虾都好爽口弹牙，但个人对于系面衣加上墨鱼汁嘅味道一般。好似破坏咗本身龙虾嘅味道。
第五道系慢煮春鸡。可能本身对鸡一般，所以对于呢度菜略嫌有少少失望。肉质唔算好鲜嫩，但系酱汁嘅黄酒味好香，第一个印象系黄酒煮鸡。
第六道菜系煎鸭肝汤饭。再配上鸡汤，日本米同日本松茸。呢道菜系我觉得相对地吸引，佢嘅鸭肝份量十足，入口油脂感十足，呢个时候汤饭就发挥功用。鸡汤鲜甜。鲜甜嘅鸡汤有一个好好解腻嘅效果，鸡汤唔会好油腻，单淡淡都系鸡嘅香味。𠮶个人好想饮多碗鸡汤啊。
第七道菜系澳洲和牛，配上黑松露汁。个人认为，餐厅主要依靠黑松露汁，有几道菜都会配上黑松露汁。牛肉一上枱已经见到系好靓嘅三成熟，肉质带有牛肉香气，亦都有少少嘅油脂香。好味！
最后一道菜系豆腐雪糕。另外仲有抹茶mousse，以及菠萝同芒果。豆腐味同抹茶好夹，亦都为呢一刻餐上完美嘅句号。
可能因为有任食生蚝同任饮，所以觉得好饱。整体来讲，呢个价钱，我觉得都好合理。而且真系食足三个钟，叫做好好享受一个午餐。希望下次再嚟嘅话，亦都会有唔同既菜式。
张贴
