影片
更多
2014-08-25
7374 浏览
昨晚一时兴起，恰巧阅报察有优惠劵之，故本将军便携家眷前往之，以会将军之威名矣。报纸上面做紧一个叫"双蟹宴"既promotion，于是就叫咗一set试试。蟹将军首先派出"刀锋豆腐"作为先锋部队，将豆腐切成一块又一块薄片，初时上枱以为系浸淫于豉油之中，岂料个啲酱料系点蟹既醋。在卖相上，呢个刀锋豆腐的确完美展现厨师既刀功，每片豆腐既厚薄都系一模一样，可惜既就系配醋，醋同豆腐两者格格不入，就似一对貌合神离既恋人一样，两人唔似系向著同一个方向进发，的确令人心酸唏嘘。唯一可以解释就系，呢个刀锋豆腐系蟹军既先头部队，希望能个开开我地个胃啦。接住就系到豉椒炒蚬，中规中矩吧，其实好似踢足球打中场一样，只要唔好传失波，偶作向前传球，就已经算系打得唔错，恰好形容呢一味𩠌:只要发挥正常，一般都唔会走样得去边。到到九肚鱼啦，味道香口惹味，可惜骨头有如九肚山路一样九曲十三弯，对于不精于面对骨头既我自然系一个大挑战。身为将军，面对挑战，又岂能放弃?虽然面对呢个困难既处境，但只要有耐性，慢慢解决，唔好放弃，坚持信念，最终必会守得云开，问题迎刃而解，尝到美食。避风塘炒蟹，都不必多讲，由于挂住食既关系，所以记得既味道实不
报纸上面做紧一个叫"双蟹宴"既promotion，于是就叫咗一set试试。
蟹将军首先派出"刀锋豆腐"作为先锋部队，将豆腐切成一块又一块薄片，初时上枱以为系浸淫于豉油之中，岂料个啲酱料系点蟹既醋。在卖相上，呢个刀锋豆腐的确完美展现厨师既刀功，每片豆腐既厚薄都系一模一样，可惜既就系配醋，醋同豆腐两者格格不入，就似一对貌合神离既恋人一样，两人唔似系向著同一个方向进发，的确令人心酸唏嘘。唯一可以解释就系，呢个刀锋豆腐系蟹军既先头部队，希望能个开开我地个胃啦。
接住就系到豉椒炒蚬，中规中矩吧，其实好似踢足球打中场一样，只要唔好传失波，偶作向前传球，就已经算系打得唔错，恰好形容呢一味𩠌:只要发挥正常，一般都唔会走样得去边。
到到九肚鱼啦，味道香口惹味，可惜骨头有如九肚山路一样九曲十三弯，对于不精于面对骨头既我自然系一个大挑战。身为将军，面对挑战，又岂能放弃?虽然面对呢个困难既处境，但只要有耐性，慢慢解决，唔好放弃，坚持信念，最终必会守得云开，问题迎刃而解，尝到美食。
避风塘炒蟹，都不必多讲，由于挂住食既关系，所以记得既味道实不太多，不如简单直接地讲，过多既文字，只会令人生烦厌之感。好啦讲正题:香口、多肉，啲蒜头多到可以用个樽入返起佢打包返屋企用，所以未上枱已经闻到好香好香，只蟹钳同蟹盖系冇得输，明知食完肥廿磅都系忍唔住，决意舍命陪君子。
三杯鸡，又系好好味，每件鸡都入晒味，所以明知落咗酒，对酒精有敏感既我都忍不住将生命一舍再舍，所谓今朝有酒今朝醉，现实生活令人心碎。
系食咗几味咁浓味既𩠌菜之后，系时候要食返一啲清清地既dishes去refresh个味蕾，所以就有一碟蕃茄浸时蔬，就好似我地经过每日劳累工作之后浸一浸按摩浴一样，俾味蕾休息一下，充满电之后又去搏杀过。当然，唔系人人都认为按摩有效啦，可能就咁饮杯清茶就够，但呢一碟菜系呢餐饭既作用系正面既。
系按摩完味觉浸完温泉之后就到另一味蟹啦，就系娘惹蟹，虽然个名有个娘字，但佢个size并不娘娘腔，比避风塘个只有过之而无不及，可以加入变种特工做超能博士既手下。原本蟹将军会送六只馒头过我方阵营送蟹食，但系卖晒，所以最后叫咗两个饭捞咖喱，但效果一定比捞馒头为佳，因为馒头淀粉密度高，本身食落去已经有甜味，如果加上咖喱的话又会犯上貌合神离之误，但捞饭的话就能完美磨合，天生一对，能够试到捞饭，实为天意，由此可见，命里有时终需有，终需会时辰到，别怕。会正题，呢一只蟹个钳，比本将块面还要大。
最后就系蟹肉蚝仔泡饭，系上枱个阵waitress洒咗一啲饭焦落去，大大提升咗饭既口感，唔会一味俾啲汤浸淋，有硬有软唔单寡。
张贴
