Wagyu Ya (已結業)

日式餐厅，高质和牛为主，💰价钱偏高位，环境少暗，大概6个吧枱位，6张四人枱。楼面只有一位待应，也能同时处理4枱客人。✨味道80分，服务75分，环境75分。.🔸食肉者($588)分别有四款A5牛匠岩手和牛，每款有两件，包括牛舌，肩胛肉，西冷，三角腩。每边烧大约20秒，全部油脂分布都好好，好juicy。-牛舌腍得黎，口感弹牙。-肩胛肉，啲油脂一咬渗出，味道淡啲。-西冷相对有咬口，油脂少啲，肉味重啲。-三角腩最重油脂，一咬吱哂出黎，不过味道最淡。.🔸A5和牛三文治($398)三文治包面烘到脆口，夹住酥脆既吉列和牛，仲有薄层酸酸地既酸瓜沙律酱，减低油腻感。上面仲加左鱼子酱同金箔衬托。.🔸每日限定Wagyu Don ($498)超香，好足料，好多𩠌，反而想佢比多啲饭添🍚有好多左口鱼，和牛，鹅肝，满满油香。海鲜方面，有海胆，吞拿鱼茸，三文鱼籽。.🔸黑松露牛油果沙律($108)上面有带子刺身，黑松露酱香浓，沙律菜新鲜。