A la maison XXL Seafood & Grill (已結業)

平日钟意食嘢嘅我都钟意食下不同国家料理，不过都要有时间才可以去品尝一下，系食之前都会做吓功课，睇吓有冇啱自己喜欢口味，早排又约咗好友去咗食法国料理，又睇吓有冇惊喜，餐厅位于天后而菜单都分咗不同口味菜式，有海鲜，肉类，小食同甜品等选择当然唔少得美酒供应先点咗Chili mussel食住先，而且辣度分为5种级数，我地要咗中间级别惊辣得滞食唔到，配埋热辣辣香脆薯条，青口系来自墨西哥，未食已索到香辣味道，辣椒籽混埋其他材料一齐烹调汤汁亦呈现鲜红色，而青口已吸收咗汤汁入口肉质鲜甜，其实开头未食仲以为好辣点知越食越惹味，连D汤汁都唔嘥用薯条点来食到主菜梗系食个海鲜拼盘Royal Deluxe Platter(Regular )，分别有生蚝，花蟹，龙虾，虎虾同大虾，配上4款不同酱汁享用，先来生蚝入口肥美鲜甜，花蟹肉质鲜嫩蟹膏香甜，龙虾爽口又多肉够份量，而大虾一样咁鲜甜，沾上酱汁食落更滋味，一句讲晒够晒鲜另一款系焗德国咸猪手配酸菜，咸猪手焗得面层香脆金黄，先食猪手皮入口卜卜脆又够香，而猪手肉肉质嫩滑加上脂肪肥美，酸菜食落酸酸甜甜够开胃，记得呢个趁热食咁先好味不知不觉又品尝一顿法国料理