家上海 (形點 I)

营业中

休息中

要数YOHO人气餐厅，我谂都非家上海莫属，每晚6、7点餐厅都堆满晒人等位，所以识用一定系用商场App攞定位先。同老公2个人，前菜叫咗熏蛋同醉乳鸽。熏蛋个蛋黄系半凝固，上面加上淮盐，入口散发啖啖嘅烟熏香气，唯一扣分系本身熏蛋无乜味，要靠淮盐，我觉得唔够味。平时醉鸡食得多，醉乳鸽真系比较少见，所以点咗醉乳鸽。乳鸽肉质细嫩并带酒香，亦食到乳鸽肉嘅味道，唔错。而主食，我哋就叫咗小笼包同扬州炒饭。小笼包，皮薄唔易穿，汤汁浓郁， 配以姜丝醋，真系好好食，必食！至于扬州炒饭，够镬气，而且唔油腻，饭亦炒到粒粒分明，推介！最后，卖单时食咗$300多啲，仲送咗$150 coupon可以留返下次食再食😋总括嚟讲，呢间性价比唔错，难怪每日咁多人等位，值得推介！