影片
更多
2018-06-26
1423 浏览
一行四个女子在Sun Curry 吃午餐，因为有两位同事唔食牛肉，所以我就算想试都无叫。Ordered 柠檬鸡、好好味鸡、咖喱杂菜、咖喱鸡，老板同老板娘俾左细细杯杂莓汁（raspberry, blueberry, Blackcurrants)、柚子水我地试饮，最后个个都自觉超级健康咁每人order 一杯杂莓汁。对方细细，但系干净企理。bar 台式餐台椅，堂食大概可以坐 6-8人。所有食物都系现叫现煮，老板算煮得好快手。柠檬鸡：第一道菜，炎炎夏日食左呢个，即刻好开胃、味蕾觉得好refreshing！鸡肉好软滑，酸酸甜甜、个汁好送饭。好好味鸡：第二道菜，其实都OK，不过佢排喺柠檬鸡同咖喱之间出现，真系好快被遗忘。除左记得鸡肉依然滑同埋呢道𩠌无咩汁，真系印象唔深刻。咖喱杂菜：Mainly 系 紫椰菜同菜心，应该系当造，睇得出老板好有心、拣时令蔬菜黎煮。咖喱汁底系我钟意嘅印度/尼泊尔风味，可惜菜出水、沟稀左啲咖喱汁，有啲小遗憾，但仍然算系好食嘅。唔食辣嘅同事都算食到。咖喱鸡🐔：俾5粒星！超级正！鸡同咖喱水乳交融、简直系天作之合，咖喱汁浓郁香辣，完全无杂菜会出水沟稀嘅问题，我食晒一大碗饭、本来仲
Ordered 柠檬鸡、好好味鸡、咖喱杂菜、咖喱鸡，老板同老板娘俾左细细杯杂莓汁（raspberry, blueberry, Blackcurrants)、柚子水我地试饮，最后个个都自觉超级健康咁每人order 一杯杂莓汁。
对方细细，但系干净企理。bar 台式餐台椅，堂食大概可以坐 6-8人。
所有食物都系现叫现煮，老板算煮得好快手。
柠檬鸡：第一道菜，炎炎夏日食左呢个，即刻好开胃、味蕾觉得好refreshing！鸡肉好软滑，酸酸甜甜、个汁好送饭。
好好味鸡：第二道菜，其实都OK，不过佢排喺柠檬鸡同咖喱之间出现，真系好快被遗忘。除左记得鸡肉依然滑同埋呢道𩠌无咩汁，真系印象唔深刻。
咖喱杂菜：Mainly 系 紫椰菜同菜心，应该系当造，睇得出老板好有心、拣时令蔬菜黎煮。咖喱汁底系我钟意嘅印度/尼泊尔风味，可惜菜出水、沟稀左啲咖喱汁，有啲小遗憾，但仍然算系好食嘅。唔食辣嘅同事都算食到。
咖喱鸡🐔：俾5粒星！超级正！鸡同咖喱水乳交融、简直系天作之合，咖喱汁浓郁香辣，完全无杂菜会出水沟稀嘅问题，我食晒一大碗饭、本来仲想添饭，不过个胃真系顶唔住，先作罢！我食得好辣，所以唔认为呢个咖喱辣，觉得好惹味。但完全唔食辣嘅两位同事只系勉强食到几啖。我应该斋用佢咖啡汁捞饭都好满足。
然后干一杯 berry juice，大饱口福！人生一乐也！
PS. 啲汁好惹味，老板话白饭任装！讲一声就得！我觉得好似去左日本嘅小店咁，好温暖！好满足！
PPS. 老板夫妇好nice！希望你地生意兴隆！
咖喱鸡、咖喱杂菜、柠檬鸡、好好味鸡
$70
147 浏览
1 赞好
0 留言
张贴
