在官也街附近的一條小巷內有間隱世茶記，人人都會叫佢做「文哥」。文哥是非常好客的一位老闆，經常與客人打成一片。
文哥一早就會煲定咖啡奶茶，早上六時半就開門恭候客人，是澳門少數僅還保留瓦煲製作咖啡奶茶的食店。奶茶用上七至八種茶葉煲出來，名符其實的茶香奶滑，奶茶出品絕對是澳門茶記當中最出色之一。一煲大概斟到十杯，所以會不間斷地煲，每杯均保證新鮮。
香滑奶茶 $15
香濃咖啡 $15
無骨雞翼炒丁 $40 －份量十足，有兩隻已去骨雞全翼，出前一丁更有1.5個。炒丁是以乾炒牛河的方式炒，內有芽菜，蘿蔔絲和洋蔥，很夠鑊氣，乾濕度平衡得宜，非常出色；另有自家製XO醬炒丁可選。
豬扒牛尾湯通粉 $34 －文哥的牛尾湯亦是招牌菜之一，湯底用上新鮮牛尾、蕃茄、薯仔、洋蔥、紅蘿蔔和西洋臘腸等煲幾小時，非常濃郁又足料。另有雜菜湯選擇，用西芹，椰菜和瑤柱等熬製。
奶油包 $11 －奶油均十分足料，而且已均勻地塗滿包上，麵包是採用葡國豬仔包，非常鬆脆，真是一口一感動，就算放了超過半小時食仍然脆口！
雞扒包 $22 －無論豬扒，雞扒定雞翼，文哥都醃得好味，配炒丁，牛尾湯或麵包都很搭配。
世記咖啡外賣店
從官也街走向地堡街方向，一出路口直望右手邊的士站旁，就是世記咖啡(氹仔外賣店)，位於崗頂的老店1965年已開業，主打瓦煲咖啡和奶茶，深受街坊熱棒，而此外賣店則以懷舊結合創新風格。
來到世記，也是絕對要一試他們的咖啡或奶茶，時刻新鮮沖製，每煲大約只有5至6杯，客人多的時候要耐心等候喇。
秘制香滑奶茶(熱) $16 －祖傳秘方果真厲害，茶香奶滑，絕對想ENCORE！(店家會幫客人落糖，想少甜或走糖記得提前通知店員)
秘制香滑奶茶/炭燒瓦煲咖啡(凍) $18 －想即刻有得飲，可選凍飲，另有鴛鴦選擇。
相信不少遊客來到澳門定必要試豬扒包，其實澳門能做出好味豬扒包的食店真的不止一兩間的，世記的出品同樣一試難忘，本地人都非常捧場。
豬扒包 $28 －豬扒肉質肥瘦均勻適中，而且是厚切，採用油炸方式烹煮，現點現炸.如果想加點新意，可以加四元配蜜糖芥末或咖哩洋蔥，兩樣口味與豬扒包異常地夾！店家重質不重量，豬扒和雞扒包均限量發售，小編光顧那天是星期三，下午五時兩款包類都賣光了。
花生奶油方塊 $14 －鋪滿花生和煉奶及威化脆片，將方包切成方塊狀又啱同朋友Share！此外，世記的洋蔥鹹牛肉厚多士亦十分受歡迎。
文：Karen
編輯：macau@openrice.com
隨時接收最新資訊
讚好OpenRice專頁！
关键字
奶茶
咖啡
豬扒包
炒丁
复制到剪贴板