「哈利·波特：展覽」（Harry Potter: The Exhibition）將於 12 月 15 日登陸澳門澳門倫敦人！沉浸式設計嘅展覽可以令各位 Fans 感受魔法世界嘅神奇魅力，同重溫《哈利·波特》及《怪獸》系列書籍、電影裡面嘅精彩情節。去展覽前後想搵間餐廳醫肚嘅話，以下就有好推介！
 

圖: Harry Potter: The Exhibition

作為「哈利·波特：展覽」亞太區首展嘅澳門站，分為霍格華茲城堡展區、霍格華茲教室、海格的小屋及禁忌森林等展區，入場時更會獲派一條 RFID 腕帶，全程記錄每個展區嘅互動，可以建立自己嘅巫師檔案！澳門站更設有獨家系列商品、獨特拍照體驗以及 Fans 們最愛嘅奶油啤酒！
 

米芝蓮一星淮揚菜  淮揚曉宴

圖: Londoner Macao 澳門倫敦人 Facebook

呢間今年新上榜、獲得米芝蓮一星嘅正宗淮揚菜餐廳，由被譽為「淮揚菜教父」嘅周曉燕大師主理。客人可以置身於中國古典園林式嘅空間，細味不時不食、濃而不膩嘅淮揚美食。招牌菜式包括蟹粉清燉獅子頭、蟹肉蛋白文思豆腐羹、20 年花雕蒸鰣魚、蝦籽扒北海道刺參等。
 

英倫主題餐廳  邱吉爾餐廳

圖: Londoner Macao 澳門倫敦人 Facebook

餐廳名嚟自出名鍾意食嘢嘅溫斯頓 ‧邱吉爾爵士，唔難推敲出佢哋就係主打英倫美饌。最多人打卡嘅就係以文學名著《愛麗絲夢遊仙境》為藍本構思嘅奇幻仙境下午茶（逢星期四至日供應，需提早 24 小時預訂），精緻茶點加上特別設計嘅餐具，IG-able 同時又有氣氛！
 

廣式茶館 x 英式酒館 x 甜點  喜公館

圖: Sheraton Grand Macao Facebook

心大心細咩都想試？無問題，呢間餐廳就集合懷舊廣式茶館「餐」，英式咖啡店及小酒館「叁」 ，同主打自家製糖果同糕點嘅「The Sweet Shop」 三大概念於一身！有澳門馳名嘅新鮮水蟹粥、雲吞蝦籽撈麵，英式經典啤酒炸魚薯條、黑安格斯 M5 斧頭牛扒等任君選擇。
 

圖: Harry Potter: The Exhibition

「哈利·波特：展覽」（Harry Potter: The Exhibition）
地址：澳門路氹連貫公路澳門倫敦人
日期：2023 年 12 月 15 日至 2024 年 2 月（待定）
時間：每日上午 11 時 - 晚上 7 時（最後入場時間為晚上 6 時 15 分）
票價：成人：$268（假日）／$218（平日）；
兒童（3 - 12 歲）：$208（假日）／$168（平日）
VIP 門票：$698（持 VIP 門票可於指定日期內任何時間經貴賓通道入場並專屬其他禮遇， VIP門票包括展覽目錄、精美帆布袋、奶油啤酒及紀念照片，以及具收藏性的尊屬掛繩、免費語音導覽、澳門幣80元購物券用於紀念品專賣店）
彈性月票：成人$338、兒童（3 - 12 歲）$258（選擇彈性月票以便在所選月份內任何日子任何時間，只要在開放期間，即可保證入場。彈性門票為一次性入場門票，持票者可於所選月份內的任何日子或時間參觀展覽一次，且無須到場前確認時間）
常見問題：官方網站
購票：官方網站