影片
更多
2013-06-28
1706 浏览
2月2日, 今次呀菲同呀比帶埋肚入面嘅baby過大海, 本來諗住去試下位於新葡京酒店頂樓嘅米芝蓮三星級餐廳Robuchon au Dome… 不過礙於太遲訂位兼時間夾唔到唯有退而求其次試下同樣位於新葡京酒店而評價亦不錯嘅Don Alfonso~ 同樣地係透過網頁訂位, 再等email確認, 不過呢間就相對易book好多!::: assorted bread basket :::兩人份嘅自家製麵包籃竟然都係滿滿一籃! 全部都仲有微暖, 除咗招牌嘅意大利香草包仲有番茄包、罌粟籽包、小法包、番薯包等等~ 當中大部份麵包都十分香軟煙韌, 當中番茄包同番薯包味道較香甜煙韌, 個別麵包搽上牛油或者橄欖油都好好味!::: amuse bouche :::喺食前菜之前先呈上amuse bouche吞拿魚他他伴魚籽清新一下口腔~ 大大粒嘅魚籽入口好鮮, 卜一聲咬爆佢, 鮮甜味豐富, 配上同係十分之新鮮嘅吞拿魚, 完全可以作為清新口腔之選~ 有一樣爭少少嘅係吞拿魚有d筋, 要趙多幾啖, 冇入口即溶感.::: 香煎帶子松露薄片配青豆蓉 :::呢兩隻帶子望落好似煎得乾咗d, 但其實只係剛好熟, 內裡仲保持到嫩
::: assorted bread basket :::
兩人份嘅自家製麵包籃竟然都係滿滿一籃! 全部都仲有微暖, 除咗招牌嘅意大利香草包仲有番茄包、罌粟籽包、小法包、番薯包等等~ 當中大部份麵包都十分香軟煙韌, 當中番茄包同番薯包味道較香甜煙韌, 個別麵包搽上牛油或者橄欖油都好好味!
::: amuse bouche :::喺食前菜之前先呈上amuse bouche吞拿魚他他伴魚籽清新一下口腔~ 大大粒嘅魚籽入口好鮮, 卜一聲咬爆佢, 鮮甜味豐富, 配上同係十分之新鮮嘅吞拿魚, 完全可以作為清新口腔之選~ 有一樣爭少少嘅係吞拿魚有d筋, 要趙多幾啖, 冇入口即溶感.
::: 香煎帶子松露薄片配青豆蓉 :::呢兩隻帶子望落好似煎得乾咗d, 但其實只係剛好熟, 內裡仲保持到嫩滑嘅肉質, 味道亦十分鮮甜, 加上黑松露片淡香點綴, 仲有最底嘅青豆蓉醬汁, 全部都食到食材天然新鮮嘅味道!
::: 鴨胸配杏甫薄片伴蘋果醬汁 :::呢個鴨胸同平時嗰d實的的肉質好唔同, 呢個鴨胸切成薄片, 肉質十分嫩滑, 鴨味濃郁得嚟唔會過臊, 配上同樣切成薄片嘅杏桃片食更滲出鴨肉鮮甜~ 最後面頭嘅醬汁酸酸甜甜, 正好中和到鴨胸嘅膩感.
::: 特色海鮮扁意粉 :::應該係呢度午餐招牌主菜之一, 侍應知道我地會share食, 所以預先將意粉分成兩碟, 非常體貼~ 海鮮種類其實唔算多, 有蝦、帶子、青口、魷魚粒同少少蟹肉咁, 配料仲有番茄粒同香草. 雖然d海鮮只係濕濕碎, 散修修咁, 但勝在樣樣食材味道都幾鮮甜! 個汁底只係清清地有牛油同海鮮嘅鹹鮮味, 扁意粉煮得夠煙韌彈牙, 而且索晒個鮮甜, 整體都算幾好食!
::: 牛仔膝配特色意大利飯 :::本身對呢個意大利飯都有d期待, 但呢分主菜份量未免少咗d… 牛膝得一件, 意大利飯極其量得三羹左右… 味道方面亦唔算太突出, 牛膝味道其實有d似牛腩, 肉質又唔算特別嫩. 唯一特別係佢可以用隻羹仔去食d牛骨髓! 牛骨髓味道油香肉味濃重, 可惜係份量唔多… 只能淺嘗. 特色意大利飯係好特色地用上番紅花去提味, 可惜成堆飯太濕, 口感有d糊糊地, 味道亦都較淡, 真係寧願食個牛腩飯好過…
::: 可可雲吞配青蘋果金寶 :::呢個甜品好有趣! 用意大利雲吞嘅整法換上可可做嘅雲吞皮, 內裡係酸酸甜甜嘅果蓉餡料, 面頭仲有片金箔點綴下, 賣相認真高貴~ 味道方面, 雲吞皮咬落煙韌帶甜, 內裡清新酸香嘅青蘋果蓉餡料剛好中和雲吞皮嘅甜膩可可味, 算係一個幾特別嘅甜品!
::: 意大利芝士餅 :::呀菲全餐飯最期待嘅其實係壓軸嘅呢一個tiramisu甜品! 淨係睇佢用上兩塊杏仁薄片整成嘅叉同羹就見到廚師嘅心思~ mascarpone cheese味道清香, 忌廉味亦夠濃郁, 質地亦都夠晒creamy, 著實係唔錯! 美中不足只係底部唔係用ladyfingers而係蛋糕, 同埋咖啡酒略嫌太濕, 但整體都係令人回味嘅!
::: Petit Fours :::Petit Fours以buffet形式由客人任意挑選, 款式十分之多~ 有朱古力蛋糕仔、杏仁餅乾、蛋白脆餅、松露朱古力同埋好多一粒粒唔同顏色唔同味道嘅餅仔, 不過大部份都頗甜, 食一兩粒已經覺膩.
::: 餐飲 :::餐飲分別叫咗一杯cappucino同一杯Latte~ 咖啡味濃得嚟有少少澀, 唔算好出色只係不過不失.
第一次喺澳門嘅酒店用膳, 由訂位到迎賓以至用餐服務同上菜等等都真係幾好~ 呢個值得一讚! 當然呢度嘅麵包籃亦令人印象深刻, 主菜嘅特色海鮮扁意粉充滿意大利風味, 尾聲嘅tiramisu亦有驚喜! 總括而言, 塞翁失馬焉知非福? 食唔到Robuchon但試到呢間Don Alfonso都唔錯丫~
张贴
