六記粥麵

营业中

休息中

蝦籽撈麵 MOP43蝦籽撈麵蝦籽多, 攪拌後均勻地掛上麵條, 味道不會過鹹, 份量不會太多, 剛好一人份。豬皮魚蛋麵 MOP32豬皮魚蛋麵的豬皮魚蛋令人想起街邊的小食, 雖然普通但味道不錯。竹昇麵久浸不淋仍爽口, 超讚。牛腩雲吞麵 MOP43牛腩雲吞麵牛腩味濃軟腍, 雲吞細小, 奇貌不揚, 味道不錯。米通鯪魚球 MOP58米通鯪魚球啖啖肉, 沾上薄薄的米通, 炸得表面香脆無焦, 火候控制得宜。因為太過香口, 不自覺一件接一件。珍寶炸錦鹵雲吞 MOP60錦鹵雲吞脆口大件, 醬汁醒胃, 又一吃不停之作。

距離大三巴約15分鐘路程，近十月初五街嘅呢間小店夠晒平、靚、正！一入夜就已經多人，唔想等位最好6:30-7:00PM就好到喇。招牌水蟹粥(每碗) – MOP$80因為得兩個人食就叫左最細嘅份量，所謂嘅「一碗」其實每人都已經可以分到3-4小碗。粥入面有一隻蟹，蟹都俾想像中多肉。粥底超級!非常!鮮甜，仲有蟹膏香，勁好味，但略嫌唔夠綿。米通鯪魚球– MOP$55一客有成10粒，粒粒都脹卜卜大過乒乓波! 落單即炸，所以上枱時係熱辣辣，外脆內彈牙。仲會附上喼汁同蜆蚧汁俾你點，個人覺得鯪魚球同帶鹹香嘅蜆蚧汁比較match!整體成餐都好滿意，絕對唔會失望!

十六浦酒店行去「六記粥麵」。都唔近架。要行15分鐘左右。不過為咗食無所謂喇米通鯪魚球～一客有10粒。盛惠$52。鯪魚球大大粒。魚味重。入口彈牙。食唔停口。真❤️好味道。

今次去澳門, 刻意去搵另一間, 氹仔以外的蟹粥店, 仕因氹仔的店愈來愈差, 而且做遊客的生意愈來愈差, 態度亦不好, 所以要找另一間, 今次就知道這店有好多本地人會黎食, 等我試O下先~用米粉黏在外炸的鯪魚球, 碟碟即叫即炸, 而且粒粒都好似大乒乓球咁大, 好抵!!!!, 入口好彈牙, 又有少許陳皮味, 僻走了唯一, 少許的魚腥味, 好值得推介戲肉到, 蟹有成2隻, 分量都不少, 見粥底就知道蟹味好出, 顏色都煲得偏黃, 粥煲得好綿, 全部都是先煲好粥底, 再即叫即煲蟹, 確保蟹肉不會因煲得太耐而變鞋。到此一遊, 晚飯都可以食得咁滿足, 旅行才會不枉此行~

今天一行4人過黎一日遊行下,朋友介紹到六記食水蟹粥,地方不算方便,入夜後仲比較黑.由新蠔天地坐的士過黎,要$70-80....地方好簡單,似一般粥舖咁,MENU上都不是太多選擇.叫一罐汽水好似要$15,有點那個吧...叫了蝦籵撈麵,豉汁炒蜆,米通鯪魚球及中的水蟹粥.蝦籵撈麵幾好食,叫了2碟.個人比較喜歡有埋薑蔥的,即刻諗起深水埗的劉森記豉汁炒蜆,冇乜特別,蜆不太細,算OK米通鯪魚球,一般係馬交吃都沒什麼問題,一定好食過香港.但蜆介醬不夠咸.水蟹粥...第一啖食落去...咸蛋黃味.扮蟹膏呱...蟹都算新鮮的.總括應該不會再去幫襯.

吃完晚餐, 去咗買手信, 擾攘一小時後, 漫步到六記.  剛剛好, 個胃可以擠出一些空間.只嚐了蝦子撈麵和米通鮻魚球蝦子撈麵, 正! 麵質夠爽, 唔太淋, 蝦子又夠多米通鮻魚球, 外層加了碎米粉炸, 非常脆口! 鮻魚球肉質鬆軟多汁.  但個人喜好, 如果可以再攪得煙韌些仲好.可惜 quota 已浪費係晚餐中, 未能嘗試更多食物, 下次一定會再來.

上月尾澳門早去晚返喪食之旅其中一站就係六記粥麵 : )原來呢度成6:30pm先開 >< 唯有食住其他野先啦 : DDDDD等倒位坐，唔理咁多，即刻叫野食 :"P 野食黎到啱啱好消化完上一餐又餓了 : ) 真好~大腸拼鳳爪呢個好夠味啊.. 最鐘意鳳爪又黏又濃味的 :3 我本身唔食大腸的.. 不過既然黎到就決定試吓~ 有啲柱侯味好好食呢 :3 從此以後我會食大腸了 :"X墨魚生麵呢個幾好不過唔太特別~ 食落無鹼水味但麵質爽啲更好._. 不過湯有啲奶油味幾好飲 :3米通鯪魚球呢個今餐最愛 : ) 加左米通嘅鯪魚球真係未試過~ 熱辣辣啱啱炸起..真係外脆內軟~ 點埋喼汁食真係一流 *O* 好想食埋人地嗰份 :"P蝦籽撈麵喺澳門食蝦籽撈麵一向都有水準有保證 :3 呢個都唔例外~ 點解香港好似搵唔倒有嘅? .\/.炸雲吞湯雲吞嘅主角係入面啲餡.. 呢個就梗係金黃色嘅雲吞皮啦 :"P 好脆口~ 雖然食

收工叫埋另一個同事去宵夜，嚟到呢間出名食米通鯪魚球嘅粥麵舖，夜晚都仲好旺，有唔少人幫襯，我哋叫咗： 滷水鳳爪大腸：滷水味好濃好香，鳳爪入味，睇個樣好硬，但係食落其實好稔兼好入味，大腸整得好稔，但仍然好有咬口，完全唔會有羶味或者內臟味道。 黑椒牛柳絲炒麪：好夠鑊氣！黑椒味好濃，麪又好脆，有啲似肉絲炒麪咁嘅質地，麪炒得唔油膩，牛柳絲亦唔靱，配菜有洋蔥同埋青紅燈籠椒。 米通鯪魚球：主角果然係最後現身，由坐低即叫到上菜要二十分鐘有多，但好嘢係值得等嘅，佢當然係即炸啦，用米通做脆皮幾創新，咬落好脆，入面充滿魚味，外脆內軟，好精彩！好快就掃光晒！ 蜆芥醬就一般嘢，都 ok 嘅！今日又上多一課：原來米通係可以咁用嘅！