一哥美食

营业中

休息中

🤗水蟹粥🤗叫咗中鍋，三個人食每人都食咗三碗，但係都食唔晒份量好足👍🏻👍🏻👍🏻粥好鮮甜，重點蟹乾淨👍🏻推薦：🩷🩷🩷🩷🩷🤗椒鹽粟米🌽味道濃郁，正👍🏻份量又多，CP值高推薦：🩷🩷🩷🩷🩷🤗炒蜆🤗用咗九層塔去炒，本人唔係太鍾意呢個味道🫢而且好似係殼多過肉🥲推薦：🩷🩷🩷🩷

🇲🇴澳門人氣水蟹粥🦀🦀🦀🦀🦀🦀水蟹粥喺澳門嘅特色美食，假日晚餐特意揀咗一哥美食（又稱一哥水蟹粥），等候時間唔長，除咗必食嘅粥之外仲有好多好味嘅小菜😋每款食物都大大碟，性價比好高，已經第二次去食🩷推薦必食1️⃣水蟹粥🦀螃蟹新鮮，入口鮮甜👍🏻份量十足，四個人食中size都食唔晒2️⃣椒鹽粟米🌽辣辣地非常惹味😋鍾意食粟米嘅一定要點3️⃣豉椒炒蜆🍽️大大碟好抵食🍽️每一隻蜆都好入味

每年一到这个季节就更想去吃大排档，尤其是水蟹粥，热呼呼的喝进来，暖胃又开胃！在澳门我最爱的水蟹粥就是这家，店里经常性的爆满，周末去吃可能还要等位。除了水蟹粥肯定还要点的就是椒盐玉米，玉米甜甜嫩嫩的，椒盐炒的很香，推荐！✌️店名:一哥水蟹粥✔️營業時間：18:30-凌晨03:00📍地址：1）一哥美食(一哥水蟹粥-總店)澳門馬場海邊馬路8號C和D地下A鋪及黑沙環第二街2號和4號地下B鋪2）一哥美食 (分店，粥粉麵飯，小炒)澳門黑沙環第三街31-33號萬利樓IX地下及閣樓B座

一哥水蟹粥真係好出名, 九點鐘嚟到都要等半個鐘先至有位🔹水蟹粥粥底軟綿, 蟹味十足, 非常鮮甜, 我哋點咗細窩有兩隻半蟹, 蟹肉都非常新鮮🤤, 見到店內一籮籮嘅蟹係識喐㗎🦀🔹薑蔥爆豬潤原先呢個小菜係薑蔥爆豬什, 問店員可唔可以改曬豬潤, 姐姐好好人一口答應, 火侯掌握剛剛好, 豬膶一啲都唔老, 唔嚡口, 鮮嫩無比😋🔹椒鹽九肚魚九肚魚外層炸得酥脆可口, 魚身就超嫩滑, 連骨都可以食埋, 做到外脆內軟, 椒鹽唔會太多剛剛好👍👍👍

上網見到推介呢到的水蟹粥同小菜Google map 寫開1900我地見無乜行程早到少少餐廳門口望下點知已經開咗門轉眼就坐滿哂好在早黎左聽到現場唔少人講呢到水蟹粥數一數二兩個人叫左一個細窩細窩份量有兩隻蟹三碗粥建議兩個人叫一個細碗都足夠寧願叫多一個小菜食水蟹粥真係唔錯蟹肉肉質鮮甜然後粥底有淡淡的蟹味見唔少食客有叫其他粥品望落都唔錯椒鹽粟米同椒鹽九肚魚好多人叫粟米炸得剛剛好仲保留粟米的清甜最後店員推介埋蠔餅但我就不喜歡這款似係蠔仔煎蛋多過蠔餅但蠔仔算大粒新鮮味道唔錯見到乾炒牛河同西蘭花炒豬什都唔錯下次要試埋

今次嚟澳門🇲🇴🤴🏻都做咗功課， check到呢間食水蟹粥好出名就嚟試試先😁😁～～～花甲水蟹粥～～～滿滿嘅一碗粥，真係滿到爭啲流出來，我哋用另外一隻碗仔裝晒啲花甲同花蟹都裝唔曬😝😝，裝完個碗都仲有好大碗粥，果然夠足料👍🏻👍🏻個粥品吸收晒蟹同花甲嘅鮮味，花甲雖然細細隻但每隻都好新鮮，而且隻隻都係開晒口😛😛我就麻麻哋食蟹，功夫多多但肉少少，但🤴🏻就食得好滋味😅😅～～～肉丸帶子粥～～睇評論話肉丸都好出名，唔似打邊爐嘅丸丸，真係用新鮮嘅肉打出黎，感受到肉嘅彈性，至於帶子亦都好鮮甜有3～4粒，粒粒都大粒兼肉厚💪🏻💪🏻～～～豬肉腸粉～～～唔似廣東腸粉，有少少皺皮嘅質地，豬肉就同肉丸嘅一樣，配上佢獨特嘅甜麻醬，🤴🏻就好鍾意😍😍，我就鍾意肉丸帶子粥多啲😘😘

去到澳門搵美食，根據地圖顯示水蟹粥排第一位，梗係要去試吓啦，呢間一哥水蟹粥好近關口。經過一輪，終於搵到一哥水蟹粥，一到達現場，已經有人排緊隊，不用15分鐘就有位，都算快. 店內好多人都叫小炒，心諗有點奇怪。我哋叫咗細嘅水蟹粥，一碟豬潤腸粉。等咗15分鐘左右，水蟹粥才送上，因為太多人緣故，出品都需要時間，但服務員好有禮貌，店內嘅員工都好親民。終於萬眾期待嘅水蟹粥出現了，一煲細嘅水蟹粥有兩隻蟹，足底有一些大頭菜，白色粥底，粥底比較稀，冇咩蟹味，冇氹仔嗰間咁好味，但一試無妨。腸粉唔夠滑，有點厚身，但豬膶都叫爽口，如果臨走前想食水蟹粥，一是無妨。

分店資料： 📍 澳門黑沙環第三街31-33號萬利樓1X地下營業時間： 6pm-3am 電話： +853 2878 7754 ⁡小女之前去澳門餐接餐keep住食到好飽🫠 陪朋友去食宵夜 嘩！邊間餐廳12 點咁夜都仲要排隊？ 就係一哥美食啦 ！ Pigbee 成程都好飽 諗住睇人地食算啦 但水蟹粥一黎試 左一淡就覺得 不！得！了！ 一定要介紹🤣⁡🦀 水蟹肉丸粥 MOP310 ⁡粥底好綿，濃杰剛好。 有薑絲、生菜、大頭菜、蔥， 有一點點橙黃色蟹膏， 好香， 試一淡已經好鮮味！ 唔會係個啲粥還粥，蟹還蟹個種。 有2 隻水蟹好足料， 蟹肉都好鮮甜！另外加左手造豬肉丸， 絕對係明智之選！肉丸非常彈牙、 加入粒粒芝麻，配粥食真係好正， 勁想買包番去打邊爐！ 呢個水蟹粥真係包你一試愛上 😍 ⁡另外 ， 朋友有試豬潤腸粉都話唔錯， 豬潤好滑， 又有麻醬好香， 大家都可以考慮下 😉⁡⁡⁡⁡⁡

同男朋友去澳門旅 專登揀一間遠離旅客區既水蟹粥店幫襯相對而言 唔洗排隊排咁耐 而且價格合理 適合2人份量一開始店員係客人面前用熱水過一過所有食具 非常貼心 值得一讚2個人叫左4樣 估唔到都食到10分飽 證明份量足料水蟹粥（一碗份量）第一次食 加上2個人 叫一細鍋都搞唔掂 所以一個粥碗 都分到每人2個白飯碗既份量 水蟹鮮甜 粥底有菜脯 好有口感 唯一可改善係蟹鉗可以再剪開少少 因為唔係好食得哂入面既肉牛肉腸本身我地都非常鐘意食腸粉 見到夜晚都有得食腸粉說叫 滑溜軟軟 牛肉香濃 一定要encore 腐乳通菜份量大大碟 有鍋氣 而且通菜好新鮮乾炒肉絲麵第一次試食依個麵底 乾身好味 肉絲份量都好多 每一夾都可以連同麵入口 一再回味 不過依個麵等得比較耐

今次嚟到澳門專登要去搵水蟹粥食，呢間水蟹粥網上面好多澳門人介紹，大約七點幾去到，門口已經排滿人，仲有好多人叫外賣，睇落去就知係好野啦。大概等左四五個字，終於有得入去食啦，鋪頭雖然唔係好大，但都坐得算舒服。餐牌上面嘅食物全部都唔係好貴，呢度算係街坊區，唔算係遊客區，所以食物嘅價錢都比較合理。我哋最後叫咗一碗水蟹粥，一碟炒菜，一碟椒鹽魷魚，仲有一碟咱倆，仲有一碟炸兩腸粉，我終於明白點解有咁多街坊，全場有好多都應該係本地人，水蟹粥好足料，一碗水蟹粥裏面我諗有一隻半嘅鞋蟹，味道好鮮甜，另外都要推介碟腸粉，本身佢已經幫我地落咗好多醬，味道同你一般食嘅有啲唔同，直得推介👍🏻👍🏻最後個椒鹽魷魚好香口，雖然份量唔係好大，但令人回味。

今次由美食達人帶路，帶咗我地去食好西！當晚我地一行五人叫咗五樣嘢食，我地都清晒枱架！ ^ 水蟹粥一哥嘅水蟹粥的確鮮甜得多，而且用料新鮮，仲好足料添架。 ^ 椒鹽九肚魚九肚魚外脆內軟，魚身依然幼滑。真係連骨食埋都仲得呀！椒鹽適中惹味，唔會太多而蓋過咗食物本身嘅香味。讚！ ^ 乾炒肉絲麵麵夠乾身，有少許脆口；肉絲爽嫩夠陣，唔會過火。 ^ 炒通菜 ^ 牛肉腸牛肉腸同平時食嘅唔同，牛肉餡係小肉塊，更有肉味。唯一美中不足就係腸粉皮，因為預早整咗焗住，所以腸粉皮略嫌不夠滑。

澳門朋友介紹，叫我一定要黎食作為遊客的我，當然要食下道地的澳門菜啦。晚上8點到，已經好多人排隊，更多人排隊等外賣店員做到冇停手，睇到都覺得佢地辛苦跟google地圖不難找，人氣鼎盛，好易見到一哥美食，門口Open kitchen ,見到師傅純屬嘅手勢做布拉腸粉，睇到都流口水🤤等了差不多半小時，終於入座啦好正宗，廣東腸粉，太好味啦配甜鼓油，廣東布拉腸，食完會掛住的味道，香港很小地方可以食到。好有鑊氣，火喉夠炒麵條條分明，配肉絲銀芽，再沾蒜蓉辣椒醬食，一流大排檔的味道。水蟹粥，我們兩個人叫一碗，夠食，粥底好正，甘甜綿滑，反而蟹比較遜色好地道的宵夜下次會再黎

前兩日晚上同幾個朋友經過之後就入左去食，個水蟹粥都好抵食，我地四個人叫左粥同麵，食到好飽!!粥好足料，麵就一般般，仲有腸粉，不過未試。我地都覺得不錯，下次可以再去食，有機會可以試下

好耐無食澳門水蟹粥了，今次去呢間小店，雖然佢出名係水蟹粥，但反而覺得最好味既唔係水蟹粥而係蠔餅。店仔細細，店員好忙但態度都唔錯。一哥水蟹粥最出名既水蟹粥，粥底軟綿綿，但只有啖啖蟹味，一試無妨。蠔餅煎到金黃色岩岩好，好香蛋味，食落好蛋嫩又唔怕太生，蠔仔比較細隻，但相對價錢，蠔既份量都算多。牛腸用滑牛黎整，所以牛同腸粉都好滑，牛味唔算特別重。個人鍾意食布拉腸多Ｄ。豉椒炒蜆偏鹹，唔算特別鮮味，但都值得一試。

講到澳門都不得不提水蟹粥，最出名難食嘅我就冇食過，so far之前食過幾間都唔錯。今次出發前上網搵左間都幾多人介紹、推薦嘅食店，打算作為last day晚餐。一哥美食嘅位於祐漢，平時我地都唔會去到，加上我地唔熟路，雖然跟住地圖行，但都覺得有少少難搵去到附近一個街口，已經聽到火爐冚冚聲，可見佢地鑊氣十足。週一八點鐘左右，客人不少，幾乎滿座，而且有唔少人等外賣，幸好有人剛埋單，我地先有位。一哥美食供應多款粥品、腸粉、小菜、炒粉麵、椒鹽菜等，定價唔貴，比較出名嘅係水蟹粥、腸粉。一哥水蟹粥 $155本來佢地有碗裝嘅水蟹粥 ($73)，但我地兩個當然係眼闊肚窄地點左一窩。一上枱…真係好大窩呀 lol面頭有大量生菜絲，粥嘅份量好多，隱約記得最後裝左成十碗…飽到我地…水蟹唔算好大隻，有膏，但唔算係好多；蟹肉偏少、削。一哥嘅粥底都依然係呈白色，粥底好綿、好滑，但食落並冇想像中咁鮮甜，有少少失望。但考慮到價錢比平時食平一半，分分鐘夠四、五個人食，都算係咁啦。鮮魷魚炒麵 $42炒麵幾有鑊氣，唔會炒到好乾，食落唔油膩，調味恰當。 麵嘅份量都相當多，魷魚大大塊，好抵食！叉燒腸 $23腸粉皮比較厚身，一層一層咁