影片
电话号码
+853 28523708
开饭介绍
自家制秘方芝士汁，招牌三宝为招牌芝士汁猪颈肉煎蛋捞丁丶土炮猪扒包和鬼马西多士。
继续阅读
营业时间
今日营业
全日休息
星期一
07:00 - 19:00
星期二
全日休息
星期三至日
07:00 - 19:00
以上资料只供参考，请与餐厅确认详情
食家推介
相关文章
今次去澳門在吃的方面完全走隨心所欲的狀態，沒特地找想吃哪間餐廳。路過見到三寶冰室的門面很吸引就進了去吃早餐。店的裝潢走懷舊風，使用冰室標誌性的綠色，還有一些舊式海報介紹餐點。店內有像大排檔的桌椅，也有卡位雅座。個人來說頗喜歡這裡的樓底很高，空間感幾舒適。另外地板是那種紙皮石地板呢。早餐很普通，反而對單點的比較有興趣。會有芝士撈丁、牛尾湯麵、番茄湯麵之類，不知和在香港吃的有什麼不一樣呢?幼滑奶茶 (MOP 14) & 香滑鴛鴦 (MOP 17)前者很有茶香，入口不會很澀。後者要自己加糖漿來調甜度。芝士汁牛脷撈丁 (MOP 39) 有兩塊的牛脷和洋蔥。洋蔥有稍微煎過，但吃落還是會有少許辛辣感。牛脷的質感是軟腍中帶有彈性，沒怎吃到羶味也不錯。芝士汁的味道亦很濃郁，不會是死鹹那種，好像有點奶香!? 麵的口感也剛好。墨魚扒牛尾湯螺絲粉 (MOP 47)牛尾湯不是濃湯那種，吃開重口味的可能會覺得偏淡一些，但我覺得還不錯。墨魚扒有剪開一點點，吃的時候還是要自己整開。口感都幾彈牙亦有食到墨魚粒。
继续阅读
週末到澳門探訪朋友，先吃個午餐，走在橫街小巷中發現了一間懷舊冰室，店內裝潢以昔日70、80年代的冰室，別有一番味道～ 芝士控的我推介「招牌芝士汁豬頸肉煎蛋撈丁」，是三寶的其中一寶，豬頸肉切至長條形再煎至金黃色，豬頸肉咬落好有口感，仲有半熟流心太陽蛋，再淋上濃稠的 “芝士汁”，睇到已經流口水! 嚟到當然要飲番杯「白牛」，大大球嘅香滑的雲呢拿雪糕配上雪碧，非常邪惡～食完覺得唔夠喉，仲可以食埋甜品添，大大碗嘅「紅豆涼粉冰」，上面滿滿嘅紅豆，煮到好林、入口即化，涼粉爽口，淋上滿滿的花奶，最緊要唔會太甜～估唔到澳門都有懷舊風格嘅港式冰室～
继续阅读
趁weekend來澳門閒逛下除左買手信之外仲要覓食既！之前都試過哂豬扒包、水蟹粥、葡撻等澳門名物今次決定黎呢間新野食港式茶記！今次主要睇芝士撈丁係尖沙咀個間出哂名既食過芝士汁極足料！而黎到澳門呢一間！！登登登登！！豬排肉厚好juicy😍切好哂一件件方便進食雞蛋都冇煎燶仲有流心蛋黃添！最重要既芝士汁夠濃睇相都睇得出呀！！濃到唔講以為係一大塊厚芝士熔左咁推薦大家食過哂澳門名物唔知食咩好既話可以一試～
继续阅读
冰室現在買少見少，Vi今次前來澳門，在一間又一間冰室被人淡忘之前，特意尋回一些老澳門的味道。Vi年紀尚輕，未正式見証過七八十年代冰室百花爭艷的盛況，那些光景主要靠父母親述得知。冰室之所以只冰室，流傳起源於當年冰室樓底高，天花板的吊扇為客人帶來陣陣涼意，加上售賣的紅豆冰和冰淇淋令人透心涼，故取其名為冰室。三寶冰室讓Vi 嘆為觀止，由Vi 踏進冰室的第一秒，便有置身老澳門的感覺。店內一枱一椅一磚一瓦都有老澳門的感覺，用上了六七十年代的裝潢，令Vi 讚嘆不絕！好啦！講完禁多我地黎介紹下呢度既招牌美食 1. 奶茶紅豆冰(MOP22)Lam脷: 4/5抵食: 4/5相機: 3/5呢度有好多唔同款式ge飲品，連紅豆冰都有幾款Vi叫左比較少見ge奶茶紅豆冰 如果係香港就真係好難搵到！奶茶香滑，味道幾濃，絕對唔係普通茶包既淡味道，單係奶茶已經好飲 而紅豆份量都幾多，而且大大粒，好淋好甜，同奶茶好夾呢 P.S. Vi 覺得茶餐廳肯做奶茶紅豆冰真係值得一讚！2. 招牌三寶之土炮豬扒包(MOP16)Lam脷: 3/5抵食: 5/5相機: 4/5呢度ge招牌三寶招牌三寶包括土炮豬扒包、太陽蛋豬頸肉芝士撈丁同埋西多士,Vi今次就試左其中兩寶 先黎ge係土炮豬扒包, 豬扒包好大個, 塊豬扒更大塊 食物出得好快，個包有牛油而且烘過脆脆地而且仲熱 熱食豬扒包係好緊要嫁！不過豬扒就較薄身同埋有d"鞋" 加上本身豬扒包無其他醬，成件就好乾身，食得有點辛苦MOP16咁大個就好抵食，所以比左５分 3. 招牌三寶之太陽蛋豬頸肉芝士撈丁(MOP35)Lam脷: 5/5抵食: 4/5相機: 4/5第二寶係太陽蛋豬頸肉芝士撈丁，黎到見到一大pat芝士汁已經好吸引 當然啦，如果d芝士汁再多d就好＞＜可惜要加１０蚊先有額外芝士汁一丁撈埋d蛋汁食，正呀 (溫馨提示：蛋可以選擇太陽蛋或熟蛋)而豬頸肉同平時食ge有d唔同, 呢度ge豬頸肉係一件件厚切, 更有口感 淨係睇圖Vi都流哂口水啦，直情係爆哂分呀！！ 食完一個太陽蛋豬頸肉芝士撈丁都唔夠喉, 再Encore左個餐肉太陽蛋芝士撈丁，30蚊都唔洗 一樣咁好食 P.S. 食飽飽當然再次留意下呢間餐廳既detail位。Vi 特別鍾意佢牆上面掛住幾幅古玩味濃既poster，好有改革開放前既感覺，加哂分！
继续阅读
嚟澳門之前上OPENRICE做功課，見到呢間開咗冇幾耐嘅三寶冰室好似幾好味咁，所以決定一試。雖然佢嘅位置唔係一啲熱門嘅澳門地方，但係原來俾想像中方便，我同朋友喺官也街買完手信之後，搭22線巴士喺「盧廉若花園」站落車，巴士站對面果條街就已經係三寶冰室喇。芝士雞亦撈丁：芝士汁幾好味，有啲啲似係食緊CARBONARA嘅感覺，就算擺耐少少都唔會「章」住晒變成一大舊芝士五香肉丁雞蛋三文冶：本身冇咩奇望，只係想叫份三文冶食吓，點知出奇咁好味，佢擺放餡料嘅技術令我好佩服，佢係將蛋整成一個袋咁入住啲溶緊嘅芝士同埋自製五香肉丁，所以你食果陣時啲餡唔會跌晒出嚟，估唔到冰室都可以做到咁貼心龍鳳擰樂：香港好少地方有得飲龍鳳擰樂，大大枝可樂加埋厚切檸檬同咸檸檬都只係MOP18，抵飲啦冰室內的裝修十足十以前老香港嘅冰室咁，「招牌三寶」嘅三款海報都有用心咁設計過，像真度極高我諗下次嚟澳門玩都再會嚟呢度食！
继续阅读
您可能会有兴趣的...