世記咖啡

营业中

休息中

黎到澳門食嘅早餐就係呢間，一早已經好多人，係排隊嘅時候，頭頂已經有一個好大嘅頭頂已經有一個好大嘅餐牌俾你揀食啲乜嘢，我哋最後揀咗花生奶油方塊、厚蛋鹹牛肉厚多士同埋樽裝咖啡。佢嘅樽裝咖啡係由瓦煲煲嘅，味道有點點似炭燒咖啡，唔會太甜，都幾好味。如果花生奶油方塊真係令人有驚喜，好足料，分量亦都好大份，呢個值得encore。而最後一個厚蛋鹹牛肉厚多士味道尚算唔錯，佢嘅鹹牛肉裏面有啲洋蔥，唔會太鹹，都算幾好味，不過下次我會試其他食物。

經過好多次覺得太多人 今次終於試左！好彩都唔係排左好耐 由排隊到拎到野食大概20分鐘試左咖啡同奶茶 好飲嘅奶茶飲得多 呢間雖然都好好飲 但未至於好突出反而我隨性嗌左咖啡 估唔到好有驚喜！咖啡真係好香好濃好滑！蜜糖方塊即刻整 好鬆脆 出面有威化餅碎 第一啖食真係好有驚喜好滿足 但食多幾啖就會好濟 建議都係兩個人share會比較好而豬扒包都係即叫即整 要等15分鐘炸到好香好脆又唔會一啖食落去好多油 又唔會太乾令人咬完第一啖就忍唔住係咁食

好在喺平日黎 門口無一條長長人龍 如果唔係咁樣乾蒸一定中暑😵 穿過官也街 行到尾就會見到世記喺路嘅盡頭一行入去就見到入面好古色嘅擺設 一邊有專人唔停手咁沖咖啡/奶茶 另一邊就係收銀加簡單嘅open kitchen叫咗(1) 花生奶油粒粒 (2) 厚蛋治 (3) 凍檸茶第一次黎 之前都無做過咩research, 所以其實入到去都唔知叫咩食好 不過收錢個哥哥好有耐性咁比我一嚿嚿咁終於order咗3樣item🤪因為我家寶唔食得牛的關係 所以無叫鹹牛肉蛋治 不過我見呢個係佢signature三文治係長方形 烘咗底的 蛋真係超級厚！ 一啖咬晒對我黎講有啲難度 要夾實咬落去先做到 因為係即叫即做的關係 皮好脆 蛋很嫩🤩個凍檸茶 檸檬夠酸 茶都好甘香 都可能出面極度熱的關係 每一啖都好透心涼😚終於等到花生奶奶粒粒都出爐🤤 一包有8-10粒 𣺉咗奶油再喺面頭灑上威化餅碎 正正🤤🤤🤤 美中不足係 食到底嗰幾粒無咩奶油 所以係齋方包粒 不過正常小食咁叫呢2樣野食 係會食唔晒 所以都無所謂Tips: 因為係外賣店的關係 店入面係有風扇冷氣比你等緊野食的時候 涼一涼 但係拎晒野食 係唔可以喺店入面食😕

尼間外賣店口碑好好最出名係厚蛋系列既包配豬扒/雞扒/鹹牛肉/辣魚/厚魚片任君選擇講係咁講 但由於佢太出名成日排曬長龍明明11點先開舖 我地兩點幾去到已經賣曬豬扒同雞扒小小傷心 唯有退而求其次揀鹹牛肉同厚魚片不過見一樣咁好味就原諒佢啦鹹牛肉入面混左洋葱粒 超甘甜最正當然係個厚蛋 又厚又滑岩曬雞蛋控既我個多士其實都幾大份飽肚 食完可以當一餐咁出名既店 又要開係遊客區尼講 價錢都好划算正！

👍🏻豬排包必食👍🏻🐖豬排夠份量冇欺場，去左骨會容易啲食🥰味道十足，成個包一齊食唔會膩🍳蛋好厚，顏色味道俱全，就咁食都有味，建議加蛋🍞夠脆，不過整扁成個包易食啲🧞‍♂️$30 黎講值得🤘🏻

好耐無去澳門，朋友介紹先知現在好味的豬扒包不再是大利X記，而是來自世記。中午來到了也街已經見世記排了一條長隊，由排隊落單到等豬扒包其實都係半小時的事，以排美食隊來說已經是好順暢。講一講豬扒包，肉質炸得好香又好冧，而且好大塊，麵包亦有烘干至少少脆身，配合起來就好好食。另外，我亦叫了杯冰凍的炭燒咖啡，其實係店鋪門口已經可以見到佢地認真地用炭爐製作這杯咖啡，而飲落亦覺得好順口有一股好香的味道，係名符其實的炭燒咖啡，盛讚!

之前去澳門已經做定research,見到好多人都話依間既奶茶好正,所以去到澳門即刻黎試😋花生奶油方塊($25)多士方塊外脆內軟,每一舊方塊都鋪上滿滿既花生碎,咬落去有好濃郁既花生奶醬味,雖然好邪惡但包包控一定會覺得好幸福🥰下次去澳門都要再encore!秘製咸牛肉蛋多士($26)蛋好嫩滑同好厚,反而咸牛肉既味道就無太大既驚喜,同平時茶餐廳食既無咩分別,所以都係花生奶油方塊最推介😋😋另外個日仲飲左好出名既奶茶,真係好香滑啊,茶味好濃郁,鍾意飲奶茶既吾可以錯過😜

［澳門篇］🐖世紀咖啡🥚🍳去澳門當然要食豬扒包但👧🏻就不推薦大家去大xx記啦🔸厚蛋豬扒包$❸❾厚蛋非常嫩滑軟綿綿食既時候小心流哂蛋汁出來😋😋😋豬扒不會乾,醃得好入味，厚得尼又有好多肉汁非常Juicy 🔸鹹牛肉厚蛋多士$❷❻多士麵包🥯好鬆軟再加上鹹牛肉的鹹香又是一個無得輸的組合😆👏🏻👏🏻👏🏻

自從港珠澳大橋開通左之後，去澳門就方便左好多，唔洗過海出省城搭船，輕鬆坐個巴士就去到每次去澳門，令人念念不忘既就係世記咖啡，之前已經食過佢既秘製洋蔥咸牛肉包同埋厚蛋豬扒包，食完真係好想再去食一次！但今次唔同，聽朋友介紹左另一款好好味既野－－花生奶油方塊。聽個名就知道好邪惡，花生醬仲有奶油其實係花生醬＋煉奶，仲有威化餅碎舖面。花生醬好細滑，同煉奶撈埋一齊食，其實好＂漏＂但係威化餅既脆脆口感，同埋本身麵包方塊有烘過，焦香之餘帶點鬆軟，令人忍唔住一口接一口份量其實都幾大份，同朋友一齊share食岩岩好。仲有奶茶咖啡都好香濃值得一試，但首選係奶茶。

由於冇訂到酒店早餐的關係, 所以就係附近找好嘢食.呢間餐廰好多人收藏, 就叫左佢的推介: 花生奶油方塊+凍啡花生奶油方塊有6-8件, 佢除左花生醬同奶油外, 仲加左鬆化脆, 由於勁多花生醬同奶油的關係, 我吃到第三塊已經覺得好飽, 但麵包真係外脆內軟. 但絕對建議呢個方塊要多人分享, 因為一個人真係食唔晒, 浪費食物就唔好.炭燒咖啡本身諗緊叫奶荼定係咖啡好D, 但最後由於餐廰的店名係咖啡, 所以就叫左咖啡. 凍啡對於本人的感覺真係麻麻地, 佢係有咖啡的香味, 但唔夠香濃, 偏苦唔夠甜, 奶都比較少. 個人覺得同普通茶餐廳的冇咩分別, 絕對冇得同即磨咖啡比. 相反地, 我覺得3合1的還較為好飲. 但佢$20一支, 唔貴, 都可以接受.

去開澳門當然要找找有什麼美食，在OpenRice看見這間排行第一，很想去試一試，所以下午就安排了來這裡吃個下午茶。看見餐牌有個辣魚芝士肉鬆包很吸引，沒有多想便買了一個，買完店員會給你一張號碼單等候，他的包類全是即叫即做，等了大概15分鐘，拿上手包是熱辣辣，滿心期待，包外皮是脆脆的，但吃下只覺得一般般，平平無奇，沒有令人嘩然的感覺，或者可能是我自己沒有試眾人推介的豬扒包。不過這間只做外賣，沒有座位，就不是太推薦了，買完就在外面吃，天氣熱的話蠻辛苦的，值不值得就見仁見智了。

今日同太太過去澳門掃街，周圍搵啲好嘢食，見到OpenRice第一名嘅世記，一定要黎試吓有幾巴閉，一入到去，地方乾淨，員工有禮貌，大熱天時，唔使講嘢，就叫佢嘅冰鎮奶茶，茶味非常濃郁，但奶味欠缺，老實講同香港普通茶餐廳嘅奶茶都冇得比，幫你試囉華嫂冰室嘅冰鎮奶茶，根本上都唔係嗰回事，非常失望，老婆叫咗個厚切鹹牛肉蛋治，冇影到相，但味道都係同茶餐廳冇分別，只係多咗少少洋蔥，同埋雞蛋厚d，總括來講一般，唔會有衝動再去食

近年有間喺澳門好出名嘅店，佢地出品嘅豬扒包聽聞非常出色，所以滿心期待咁嚟試試佢，今次嚟到「世記咖啡」。花生奶油方塊呢包方包知唔到有咁多威化餅碎，同埋咁多奶油醬同花生醬，好似唔洗錢。所以每一舊方塊食落都超超超超爽，有滿滿嘅醬包jer住晒成個口🤤🤤🤤。不過好快就會食滯，食2舊已經到頂。但十分推薦大家試下。厚蛋豬扒包因為塊豬扒喺新鮮炸起，所以食落唔乾身，內層仲有保持到嫩滑🤤🤤。味道方面調得好好，無過咸。塊厚蛋真喺超級厚身，不過我覺得無助於增加豬扒嘅味道。本身豬扒包已經好飽，再加埋厚蛋直頭食到滯，頂晒心口咁，所以一定要飲枝可樂去幫助落格。秘製香滑奶茶個奶茶同太興有異曲同工之秒，都喺無加冰入去雪凍，所以無影響味道。由於淨喺飲得2啖，所以好難點評到。不過喺好飲嘅。

個名叫世記咖啡。 當然要試下用藥煲煲出嚟嘅係咩味。 本身想試熱的， 但見佢一支支原支放在電櫃。咁又試下。 咖啡味係夠濃的， 但又唔覺得特別香。 同一般茶記又無咩分廿。 好彩當日去時唔洗排隊， 否則就蝕本了。

呢間小店作為香港人我諗未聽過都實見過貴小店嘅食物相。因為實在太多人介紹同慕名嚟打卡我都唔例外，過嚟嘗下鮮先haha香滑奶茶茶味唔係好濃個隻，但睇色都已經知係夠奶同茶嘅比例啱啱好，通常凍嘅奶茶都係冇咗陣香味，但呢款我覺得可以接受咸牛肉洋蔥三文治睇相都知好夠蛋！未食到咸牛肉 淨係食蛋我都比90分！！真係好好味，係好似人地日本個隻蛋包飯嘅蛋咁，蛋味有，滑嘅感覺都有，蛋汁係會流岀嚟，好滿足！之後咸牛肉同洋蔥都唔會過咸，啱啱好！麵包亦好香口！呢個包如果賣$35我都會覺得合理！因為真係好好食